Áleýmettik jelilerde Ózbekstandaǵy Sýrhandarı oblysynyń balabaqshalarynyń birinde jasyryn kamera arqyly túsirilgen vıdeo keńinen taralyp jatyr. Vıdeoda kúndiz búldirshinderdi tárbıeshiler  pyshaqpen qorqytyp, mazaq etken bolsa, túngi ýaqytta ol jerdi jezóksheler ordasyna aınaldyrǵan, dep habarlaıdy "Ferǵana", málimettiń qazaqsha nusqasyn "Qamshy" portaly oqyrman nazaryna usynady.

Tárbıeshi oń qolyna pyshaq ustap alyp, sol qolymen balanyń shalbaryn sheshpek bolǵan.

Atalmysh oqıǵany quqyq qorǵaý organdary jasyryn kamera ornatý arqyly bilgen.  Jazbalar 2016 jyldyń qarasha aıynda Sýrhandarı oblysy, №2 jáne №23 Termezsk aýdany men №1 Denaý aýdanynda túsirilgen. Tárbıeshiler úreılenip qalǵan balalardyń betine pyshaq taqap, aıqaılap qorqytqan, al túnde dál sol jerde kóńildesterimen ıntımdik qatynasqa túsken. Atalmysh balabaqshanyń qyzmetkerleri alkogóldi ishimdikter paıdalanyp, ıntımdik qatynasqa túskisi kelgenderdi sol balabaqshaǵa kezdesýge shaqyrady eken. Túngi qonaqtarǵa ıntımdik qyzmet kórsetýge balabaqshanyń basqa da tárbıeshileri atsalysqan. Balabaqshanyń meńgerýshisi qolastyndaǵy qyzmetkerlerdiń mundaı ispen aınalysyp júrgendiginen habardar bolǵan.