15 Shildedegi tóńkeris jasamaq bolǵan áreket jaıly NATO-nyń tujyrymy, dep habarlaıdy "Qamshy" portaly.
Norvegıanyń aldyńǵy qatarly habar saıtynda NATO-nyń 15 Shildedegi jaǵdaıǵa kózqarasy jarıalandy: Túrkıa prezıdenti Erdoǵan ózine qarsy ózi tóńkeris jasaýdy josparlaǵan.
Norvegıanyń aldyńǵy qatarly habar taratatyn saıttarynyń biri Aldrimer.no15 Shildedegi oqıǵaǵa baılanysty NATO-nyń qalaı qaraıtynyn jazdy.
KjetilStormark atymen jazylǵan habarda «NATO-daǵy basym kózqaras mynaý: Túrkıa prezıdenti Erdoǵan tóńkeristi ózine qarsy ózi josparlady» delindi.
Norvegıa saıtynda jarıalanǵan habarda bylaı delingen:
Aldrimer ge pikir bildirgen NATO-nyń joǵarǵy deńgeıdegi shendileri Erdoǵannyń 15 Shildede tóńkeristi ózi uıymdastyrǵanyna senetindikterin aıtqan. Alaıda bul óte bir erekshe másele bolǵandyǵy sebepti NATO-da buǵan qatysty qandaı da bir jazbasha mátin ázirlenbegendigin bildirdi. Buǵan sebep retinde NATO múshesi memleketterdiń barlyǵynyń yntymaqty túrde jınalǵan qupıa málimetterge qol jetkizý quqyna ıe ekendigi kórsetildi.
1600 adamnyń esimi daıyn turǵan
Degenmen NATO-daǵy basym kózqaras anyq:
Joǵarǵy deńgeıli shendiler úsh ne tórt juldyzdy generaldar 30-40 jyldan beri Túrkıamen birge jumys jasap kele jatqan ári 4-5 jyldan beri túrik basshylaryna keńes beretin NATO mekemeleri rasynda bir tóńkeris bolǵandyǵyna senbegendikterin aıtýda. NATO-ǵa qaraıtyn bir mekememiz. “Eger Túrik qarýly kúshteri bir tóńkeris jasaǵysy kelse, muny mindetti túrde jasar edi. Bul ózi Túrkıada qalyptasyp qalǵan daǵdy” dedi “Qarýly kúshterden shyǵaryp jibergisi kelgen 1600 kisiniń esimderi tóńkeriske bir kún óte salysymen qoldarynda edi” dedi.
1 jyldyq daıyndyq
Senimdi derekkózderi boıynsha NATO-da qyzmet jasaıtyn túrik qyzmetkerlerdiń 80-90 paıyzy jumystan shyǵaryldy. NATO boıynsha elge qaıtýǵa batyly jetkenderdiń kóbi túrmege qamaldy, birqatary ólim qushty.
“Qazirgi ýaqytta NATO-men baılanystaǵy túrik basshylar Erdoǵannyń osy sóz júzindegi tóńkeristi 1 jyldan beri josparlaǵanyn, jumystan qýǵysy kelgen adamdardyń attary qoldarynda bolǵanyn aıtty” degen NATO derekkózderi “Qazirge deıin munyń shyn mánindegi tóńkeris ekenine sengen adamdy kórmedim» degen.
Narsıst retinde atalýda
NATO-men birge jumys isteıtin bir mekeme Erdoǵandy «narsıst» dep atady.
Ankara únsiz
Aldrimer.no ǵa NATO Jalpy hatshysy Stoltenberg taqyrypqa qatysty pikir aıtýdan bas tartty. NATO-nyń baspasóz ofısi de “15 Shildedegi tóńkeris jasamaq bolǵan árekettiń artynda kim tur?” degen suraqqa jaýap aıtpady. Endi bir jaǵynan Erdoǵan kabıneti de «Erdoǵan buǵan ne der eken» degen suraqqa da jaýap aıtpaýda.
Avtory: Berik Myńjasar
