Astana qalasynyń ataýyn Elbasy ataýyna ózgertý týraly usynys jasaǵan depýtat Baqytgúl Hamenova Astana áýejaıyna Nazarbaevtyń atyn berý týraly oıyn aıtyp berdi dep habarlaıdy tengrinews.kz.
"QR Táýelsizdiginiń 25 jyldyǵyna arnalǵan deklarasıada biz elimizdiń Konstıtýsıasyna Tuńǵysh Prezıdentimiz Nursultan Nazarbaevtyń memleketimizdi salýǵa qosqan úlesin aıtyp, sondaı-aq, elordaǵa jáne elimizdiń basqa da mańyzdy nysandaryna Elbasynyń esimin berý týraly usynys aıtqan bolatynbyz. Konstıtýsıalyq reformanyń jobasyn búkilhalyqtyq talqylaýǵa salý barysynda azamattarymyz osy usynysty qoldaıtyny jaıly pikir bildirgen edi. Tuńǵysh Prezıdentimizdiń esimin Astana halyqaralyq áýejaıyna jáne basqa da nysandar men kásiporyndarǵa berý týraly usynystar aıtyldy", - dedi depýtat Hamenova. Depýtattyń aıtýynsha, negizgi zańymyzda Tuńǵysh Prezıdentimizdiń baǵa jetpes róli men onyń mańyzdylyǵyn kórsetý qajet.
Depýtat Konstıtýsıanyń 91-babynyń 2-bóligine elimizdiń qundylyqtary jaıly, sondaı-aq, Táýelsiz Qazaqstannyń negizin qalaǵan ári kóshbasshymyzǵa qatysty ózgertýler engizý kerek.
Eske sala keteıik, osyǵan deıin depýtat Baqytgúl Hamenova elordanyń ataýyn Elbasy dep ózgertýdi usynǵan edi.
