Amerıka tilshisi Djoshýa Blısman qazaqstandyq bokser Gennadıı Golovkındi meksıkalyq Saýl Alvaresten qashyp júr dep maqala jazady. Bul jaıynda Vesti.kz habarlaıdy.

«Golovkın «Kanelodan» qashýyn doǵaryp, jekpe-jekke shyǵýy tıis. «Kanelonyń» promoýterleri Golovkınge jaqyn kúnderi 15 mıllıon AQSH dollaryn, budan buryn 10 mıllıon usynǵan eken. Golovkınge bundaı qomaqty somany basqalary usyna ma?», - dep pikirin bildirdi tilshi.

«Eger Golovkın Kanelomen jekpe-jek alańynda kezdesýdi qalasa, usynysty qabldar edi. Bul meniń ózindik pikirim.

Bul Golovkınniń sport álemindegi mansabyn kóteretin birdien-bir usynys, árıne, eger jeńiske jetse. «Kaneloǵa» qarsy osyndaı usynysty maǵan aıtsa, oılanbastan keliser em. Tipti, bir mıllıon berseńder, Golovkınmen de, «Kanelomen» de jekpe-jekke shyǵýǵa daıynmyn», - deıdi Blısman.

Tilshiniń aıtýynsha, «Kanelo» kezdesýge qazirdiń ózinde daıyn. Tek Goloovkınnen jaýap kútýde. Basqa boksshylarmen kezdesýden Golovkın dál «Kanelo» usynǵan tabysqa kenele qoımas.

Eske sala keteıik, Golovkınniń kelesi jekpe-jegi 18 naýryz kúni Nú-Iork qalasyndaǵy Madison Square Garden arenasynda ótedi. Qarsylasy – orta salmaqtaǵy amerıkalyq Denıel Djeıkbos.