Qazaqstan estradasynyń tanymal ánshi Aıqyn Tólepbergen  Memleket basshysynyń 40-qa jýyq ókilettiligin Úkimet pen Parlamentke bergenijóninde óz oıymen bólisti. 

Ol óz jazbasynda Elbasy durys sheshim qabyldaǵanyn aıtady. 

«Elbasyn qoldaımyn, durys jasady! Óziniń bılik tarmaqtarynyń keıbirin mınıstrler men depýtattarǵa beretin boldy. Endi biz elimizde bolyp jatqan árbir jaǵdaı týraly olardan suraı alamyz. Burynǵydaı «bıik dýaldardyń» artyna tyǵyla almaıdy!», - deıdi Aıqyn Tólepbergen.

Sondaı-aq, estrada ánshisi Elbasynyń «jer máselesine» qatysty sheshimdi qabyldar da - halyq jaǵyna shyqqanyn qýana qabyldapty.

«Ásirese elbasynyń "jer máselesi" jóninde xalyqtyń jaǵyn qoldaýy qatty qýantty. Elimiz aman, jurtymyz tynysh bolsyn aǵaıyn!», - dep jazdy tanymal ánshi.

Aıqyn Tólepbergen óz oıymen Instagramáleýmettik jelisindegi paraqshasynda bólisti.

Ánshiniń jelide jarıalaǵan posty saǵat saıyn emes, sekýnd saıyn tyńdarmandary tarapynan qoldaý tabýda. Post tek bir saǵattyń ishinde 9 myńǵa jýyq «laık», 100-den astam pikir jınaǵan.  

Esterińizge sala keteıik, 1 naýryz kúni Memlekettik bılik tarmaqtary arasynda ókilettikterdi qaıta bólý máseleleri jónindegi jumys tobynyń otyrysynda Qazaqstan Respýblıkasy Konstıtýsıasynyń qoldanystaǵy redaksıasynda menshik quqyǵyna qatysty 26-bapqa usynylǵan túzetýler talqylandy. Jumys toby músheleri atalǵan normaǵa usynylǵan ózgeristerge qatysty halyqtan túrli usynys túskeni týraly aıtty. Nursultan Nazarbaev Qazaqstan azamattarynyń pikirin eskerip, 26-bapqa ózgeris engizbeýdi usyndy.