Adamdar ózge elde jańa jyldy qalaı toılaıtynyn bilý úshin basqa elge ketetin bolǵan. Alaıda saıahatqa shyqpas buryn sol eldiń dástúrimen tanys bolǵan abzal.

1995 jyly Tálka qalasynda turatyn chılılik otbasy jańa jyldy týystarynyń molasynda ótkizýge bel býady. Bul jańalyq halyq arasynda tez taralyp, ýaqyt óte kele bul halyq arasynda jańa jyldyq dástúrge aınaldy. Jańa jyldyń aldynda qala meri saltanatty túrde mola qaqpasyn ashady. Adamdar qaıtys bolǵan jaqyndarynyń basyna gúl shoqtaryn qoıady. Bul kezde klasıkalyq mýzyka oınap turady.  

Al Kýbada jańa jylda kýranttar 11 márte soǵylady. Osydan keıin aral turǵyndary terezesinen taza sýdy quıady. Bul jańa jyl dál sol sý sıaqty taza bolsyn degen nıetpen jasalynady.

Ispanıa turǵyndary bolsa jańa jyl kelgende 12 júzimdi aýyzdaryna salyp, tez jep qoıýǵa tyrysady. Bul áreketi arqyly jańa jylda zor tabystarǵa jetemiz dep oılaıdy.

Rýmyndyq dástúr asqazanyńyzǵa teris áserin berýi múmkin. Sebebi atalmysh elde merekelik bálishke ashshy burysh, tyıyn, saqına jáne t.b tosyn syılardy salady.

Fılıppında jańa jyl keshinde barlyǵy dóńgelek pishinde bolý kerek. Máselen, dóńgelek ústel, sheńber pishindes jemis-jıdek, dóńgelek sýreti bar kıim t.b. Sebebi atlaǵan el dóńgelekti tyıynmen salystyrady. Al tyıyn degenimiz molshylyq, baılyq.    

Al Mońǵolıalyq balalar úshin jańa jyl dámdi bálishterden emes sporttyq jarystardan bastalady. Al aıaz ata balalarǵa malshy keıpinde keledi eken.