"Ol (qazaq) ýf dedi de jańaǵy bala qusap jónimen ketti, JER BOLSA BOS JATYR" – Satıra akteri T.Qabatovtiń qazaq týraly ázilinen.

                  Qatpa bala degen de, qatpa bala! 

                   Aýzyńa kelgenińdi shatpa, bala!» - Muqaǵalı Maqataev

Eı, «Kúldirgish» baýyrym Qabatov! Qazaqstannan egin salýǵa, mal jaıýǵa jaraıtyn bir bos jer taýyp bershi! Men saǵan "tanaýymdy" kesip bereıin. Ondaı jerdiń bári menshikke ótip ketken.

Qazir aýyl mańaıynda sharýanyń malyn jaıatyn jeri joq. Almaty oblysynda mola turǵan jer de satylyp, jer ıesi qaıtys bolǵan adamdy ata- babasynyń qasyna jerletpeı, qanshama kún máıit ıistenip ketkenshe jatyp daý bolǵanyn bilesiń be?

Aqtóbe oblysynda jer turmaq, qytaılar memlekettiń jolymen qazaqstandyqtardy tegin júrgizbeı, post jasap aqsha alǵanyn bilesiń be?

Shymkentte qanshama tabıǵaty tamasha jerdi qorshap alǵan Arab sheıhi qazaqtardy sol jerdiń mańaıynan júrgizbeıtinin bilesiń be?

Almaty oblysy men Shyǵys Qazaqstan oblysynyń  kóptegen  shuraıly egin salatyn jerin Qytaılar paıdalanatynyn bilmeısiń be?

Al, jáı qara qazaq ózderine tıesili on sottyq jerge qoly jetpeı júrgenin qalaı bilmeısiń?

Kúldirgish baýrym, "búldirgish" bolmaı aıtqysh bolsań, aıtsańshy:  úsh - tórtten kredıt alyp tóleı almaı zar jylaǵan halyqty, sharasyzdyqtan qalaǵa kelip, baspanasyz, jumyssyz qaıyrshynyń kúnin keship júrgen aýyl jastarynyń jaǵdaıyn, halyqty qan qaqsatyp jep otyrǵan menshik bankterdi, sol bankterge jegenderi az bolǵandaı, halyqtyń salyǵynan jınalǵan trıllıondaǵan aqshany olarǵa "kómekke" berip jatqanyn aıtyp kúldirseńshi!

Aıtqysh bolsań, ıtshilep kún kóretin, 30-40 myń teńge jalaqy alatyn muǵalim, dáriger, mádenıet pen óner salasynyń qyzymetkerleri, jáı halyqtyń jalaqysymen 600 000-nan 1500 0000 -ǵa deıin jalaqy alatyn depýtattar men mınıstrler, oblys ákimderin, bankırler men bıliktegilerdiń jer men kókteı ómir súrý aıyrmashylyǵyn nege kúlki etpeısiń!

Aıtqyń kelse, aıtar másele kóp!

Biraq, sen ony aıtpaısyń!

Sebebi, "Kókelerińniń" toı-tomalaǵynan jep júrgen "maıshelpegińnen" aırylasyń!

Men bar sanaly ómirimdi kıeli sahanada ótkizgen adammyn.

Seniń bir aýyz "shatpaq" sóziń úshin qazir halyq artısterdi jerden alyp, jerge salyp, jerge tyǵyp jatyr. Sen úshin bizdiń "betimizden otymyz shyǵyp" otyr.

Bul isiń masqara boldy!

"Keýdeńe nan pispese" qazaqty "aqymaq balaǵa", jerdi "oıynshyqqa" teńegen dóreki mazaǵyń úshin halyqtan keshirim sura!

"Qatpa bala degen de, qatpa bala!"

Shekten shyǵyp, sandalyp laqpa, bala!

Jer-Anany kúlki etip sahnadan,

"Betiń kúıip" qalmasyn "otqa" bala!

"Qatpa bala degen de, qatpa bala!"

"Kókelerge" Qazaqty satpa, bala!

"Kloýny bıliktiń" atanǵansha,

El-jurtyńnyn senimin aqta, bala!

Satırık "Kókeń":  Aımuhanbet Beısembekov