Qazaqstannyń Ýkraınadaǵy elshiliginiń bastamasymen Kıevtegi Jambyl Jabaev qoǵamdyq kitaphanasy negizinde alǵash ret Ýkraınadaǵy qazaq dıasporysyna qazaq tilin úırený múmkindigi berilip otyr.
Bul baǵdarlamaǵa qazaq tiliniń gramatıkasy men leksıkasyn úıretý kiredi. Sonymen birge, qazaqtardyń tarıhı murasymen, qazirgi Qazaqstan jaǵdaıy, ekonomıkasy týrasynda arnaıy sabaqtar ótkizilý josparlanyp otyr dep habarlaıdy qamshy.kz caravan.kz-ke silteı otyryp. Elshi Samat Ordabaev saltanatty ashylý rásiminde:
«Memlekettik tildi meńgerý Qazaqstan birligin nyǵaıtýdaǵy mańyzdy faktor» dep atap ótti.
Bul klýb óz jumysyn Qazaqstan men Ýkraına arasyndaǵy dıplomatıalyq qarym-qatynastaryna 25 jyl tolýyna oraı bastady.
«Bul bastama eki el arasyndaǵy qarym-qatynastyń nyǵaıýyna septigin tıgizetinine senim mol»-dedi elshi. Ýkraınadaǵy qazaq dıasporasy óz kezeginde óz týǵan tilderin úırený múmkindigin berip otyrǵan elshilikke alǵystaryn bildirdi.
