Shyǵys Qazaqstan oblysy Úrjar aýdany, Qaratýma aýylynyń turǵyny Raqymberdi Qydyrmoldın Aıagóz qalasy Aıagóz aýdanynyń İshki ister bólimshesine tergeýge qatysqan soń kóz jumǵan dep habarlaıdy Qamshy aqparattyq agenttigi Obektıv.kz- ke silteme jasap.

Bul týraly 53 jastaǵy er adamnyń jaqyndary aıtyp bergen.

Qaıǵyly jaǵdaı 18 maýsymda oryn alǵan. Marqumnyń jubaıynyń aıtýynsha Raqymberdi aýyldan Aıagózge qaraı taǵy 4 týysqanymen birge jolǵa shyqqan. Qarsy betke kezdeısoq shyǵyp ketken onyń kóligin jol polısıasy toqtatyp alady. Onyń avtokóligimen birge taǵy bir kólikti toqtatady. Alaıda ekinshi avtokólikke protokol jazyp berip tez jibere salǵan. Al Raqymberdini polıseıler kóligine otyrǵyzyp belgisiz baǵytta alyp ketken. Jarty saǵattan soń olar qaıtyp kelgen.

«Raqymberdi oralǵan soń ózin nashar sezinip, túri bozaryp kóńil-kúıi múldem túsińki boldy»-deıdi onyń áıeli.  «Polıseılerdiń bireýi bizdiń kólikke otyryp Raqymberdiniń júreginiń aýyryp turǵanyna qaramastan İshki ister bólimshesine aparamyz dedi. İshki ister bóliminde Raqymberdini 3 saǵat boıy ustady»-deıdi onyń jaqyndary.

Tek 3 saǵat ótken soń bólimshege jedel járdem kelip jetken. Tek saǵat 14:00-de ǵana bólimshe qyzmetkerleri onyń jaqyndaryna Raqymberdiniń qaza tapqanyn denesiniń morgta ekenin jetkizgen.

Belgili bolǵandaı AİİB aldyna jedel járdem Qydyrmoldın qaza tapqan soń kelgen.  Marqumnyń jaqyndary polıseılerdiń ne sebepti Raqymberdini óz kabınetterinde 3 saǵattan asa ustaǵanyn onyń neden qaza tapqanyn bilmeı qatty qynjylýda. Osyǵan baılanysty onyń jaqyndary polısıadan marqummen sóılesken beınejazbany kórýdi talap etip otyr. Alaıda ekinshi jaq olardyń talabyn qanaǵattandyrmaı otyr. Marqumnyń jaqyndary taǵy da sot medesınalyq saraptama júrgizilýin surap otyr. Raqymberdiniń ólimine jaýapty adamdardyń jazasyn óteýin talap etýde.

Sholýshy: Nazerke MUSA