Shymkentte munaı saqtaý qoımasyndaǵy órtte qaza tapqan jumysshynyń otbasyna 1 mln. teńge ótemaqy beriledi. Bul týraly «Shymkent munaı ónimderi» AQ-nyń zańgeri Berik Serkinbaev málimdedi, dep habarlaıdy QazAqparat HAA.

Zańgerdiń sózinshe ótemaqy kólemi ujymdyq  kelisimshart negizinde belgilengen. Oǵan sáıkes jumysshy qyzmet babynda qaza tapqan jaǵdaıda osy soma kóleminde ótemaqy beriledi. Marqumnyń otbasy sondaı-aq ómirin saqtandyrý boıynsha da tólemaqy alady. Ázirge onyń somasy naqtylanbapty. Kompanıa basshylyǵy jumysshyny jerleý rásimine ketken shyǵyndardy da ózi kóterip otyr.  Aldaǵy ýaqytta qaza tapqan 46 jastaǵy jumysshynyń kámelet jasyna tolǵan bir otbasy múshesin jumysqa qabyldamaq.

Aıta keteıik, marqumnyń artynda jubaıy men 4 balasy qaldy.

Eske salaıyq,  ótken demalys kúni «Shymkent munaı ónimderi» AQ-nyń qoımasynan órt shyǵyp, bir jumysshy qaza tapqan edi. Marqum bolǵan 46 jastaǵy azamat osy qoımada operator bolyp jumys istegen.