«Qazkommersbank» AQ Dırektorlar keńesi 2017 jylǵy 28 maýsymda ótken otyrysynda Bank aksıonerleriniń kezekten tys jalpy jınalysyn shaqyrtý týraly sheshim qabyldady, dep jazady Qamshy aqparattyq agenttigi banktiń baspasóz qyzmetine silteme jasap.
Bank aksıonerleriniń kezekten tys jalpy jınalysy 2017 jylǵy 31 shildede Almaty ýaqyty boıynsha 11 saǵat 00 mınýtta, Almaty q., ál-Farabı dańǵ., 34a mekenjaıy boıynsha ótedi. Bank aksıonerlerin tirkeý rásimi 2017 jylǵy 31 shildede 10 saǵat 30 mınýtta bastalady. Aksıonerlerdiń kezekten tys jalpy jınalysy ótkizilmegen dep tanylǵan jaǵdaıda, jınalys 2017 jylǵy 1 tamyzda 11 saǵat 00 mınýtta Almaty q., ál-Farabı dańǵ., 34a mekenjaıy boıynsha qaıta ótkiziledi. Bank aksıonerleriniń kezekten tys jalpy jınalysyna qatysý quqyǵy bar aksıonerlerdiń tizimi 2017 jylǵy 30 maýsymda Banktiń aksıa ustaýshylarynyń tizilim júıesindegi derekter negizinde qurylady.
Aksıonerlerdiń kezekten tys jalpy jınalysynyń kún tártibi:
«Kazkommersbank» AQ aksıonerleriniń kezekten tys jalpy jınalystyń kún tártibin bekitý;
«Kazkommersbank» AQ Dırektorlar keńesi músheleriniń ókilettiligin merziminen buryn toqtatý;
«Kazkommersbank» AQ Dırektorlar keńesi músheleri quramynyń kólemin anyqtaý;
«Kazkommersbank» AQ Dırektorlar keńesi músheleri ókilettiliginiń merzimin anyqtaý;
«Kazkommersbank» AQ Dırektorlar keńesi múshelerin saılaý;
«Kazkommersbank» AQ Dırektorlar keńesiniń múshelerine syıaqy men ótemaqy kólemin jáne ony tóleý sharttaryn anyqtaý;
Aksıonerlerdiń kezekten tys jalpy jınalysynyń kún tártibindegi máseleler boıynsha materıaldar, Almaty q., ál-Farabı dańǵ., 34a, 313 kabınet, telefony +7 (727) 2 585 221 mekenjaıy boıynsha jınalys ótkiziletin kúnnen on kún buryn aksıonerlerge tanysý úshin usynylady.
Banktiń jaı aksıalary negizgi aktıvi bolyp tabylatyn depozıtarlyq qolhat ustaýshy -aksıonerler Bank aksıonerleriniń kezekten tys jalpy jınalysyna qatysý úshin 2017 jylǵy 25 shildege deıin The Bank of New York-ke tómendegi málimetterdi usynýlary qajet:
menshik ıesi — jeke tulǵanyń aty-jóni / menshik ıesi — zańdy tulǵanyń ataýy;
aksıalardyń menshik ıesiniń azamattyǵy / tirkelgen eli, aksıalardyń menshik ıesiniń jeke basyn kýálandyratyn qujatynyń ataýy men derektemeleri;
menshik ıesine tıesili aksıalar sany;
Bank aksıonerleriniń kezekten tys jalpy jınalysyna onyń atynan qatysýǵa jáne kún tártibindegi máseleler boıynsha daýys berýge ýákiletti etetin óz ókiline berilgen senimhat.
Bank aksıonerlerge tómendegi týraly qosymsha habarlaıdy:
Qazaqstannyń ortalyq depozıtarııdi esepke alý júıesinde joq, menshik ıesine tıesili jáne onyń nomınaldy ustaýyndaǵy aksıalar «Aksıonerlik qoǵamdar týraly» Zańǵa sáıkes daýys berýshi bolyp sanalmaıdy.
«Qazaqstan Respýblıkasyndaǵy bankter jáne banktik qyzmet týraly» Qazaqstan Respýblıkasy Zańynyń 17-baby 5 jáne 5-1 tarmaqtaryna sáıkes, Qazaqstan Respýblıkasy qarjy naryǵyn jáne qarjy uıymdaryn retteý men qadaǵalaý agenttigi Basqarmasynyń 2008 jylǵy 02 qazandaǵy №145 Qaýlysymen bekitilgen, banktik jáne saqtandyrý qyzmeti, baǵaly qaǵazdar naryǵynyń kásibı qatysýshylarynyń qyzmeti jáne baǵaly qaǵazdar naryǵyndaǵy basqa da lısenzıalanatyn qyzmet túrleri maqsatynda, jınaqtaýshy zeınetaqy qorlarynyń qyzmeti men aksıonerlik ınvestısıalyq qorlardyń qyzmeti maqsatynda, ofshorlyq aımaqtar tizimine enetin, ofshorlyq aımaqtarda tirkelgen zańdy tulǵalar nemese ofshorlyq aımaqtarda tirkelgen úlestes tulǵalary bar zańdy tulǵalar nemese ofshorlyq aımaqtarda tirkelgen zańdy tulǵalardyń qatysýshylary (quryltaıshylary, aksıonerleri) bolyp tabylatyn jeke tulǵalar Bank aksıonerleriniń jalpy jınalysyna qatysýǵa jiberilmeıdi.
