Aqtóbe kópbalaly ana qamqorlyq qaıyrymdylyq Shashý otbasylyq ujymy Aqtóbede 11 jetim balany baýyryna basqan Amangúl Eshpanova taǵy 4 búldirshindi qamqorlyqqa alǵysy keledi dep jazady 24.kz. Ol úshin úı-jaıyn keńeıtip, qosymsha bólme salyp jatyr. Joldasy Ómirhan Jetesov ekeýi balalardy ónerge baýlyp, otbasylyq ansámbl qurǵan.«Shashý» otbasylyq ujymy talaı baıqaýdyń bas júldesin jeńip aldy. Balalardyń árqaısynyń óz aspaby bar. Biri daýylpazda, biri baıanda, endi biri dombyranyń qulaǵynda oınaıdy. Jasy kishileri shyldyrmaqty meńgerip alǵan. Jaz mezgilinde ansaml quramy tolyq bolmaıdy. 2 bala EXPO kórmesine ketken, endi ekeýi lagerde demalyp jatyr. Damır bul otbasyǵa 5 jyl buryn kelgen. «Anam kez kelgen problemany sheshýge kómektesedi», – deıdi ol.
Balalar úıinde ana meıriminiń jetpegenin aıtady. Damır Izıbaev, oqýshy: - Jaqsymyz bir-birimizben. Jaqsy sóılesemiz. Bir-birimizdi qadirleımiz. Qandaı qatelikke ushyrasaq ta qorǵap júremiz. Baýyrlaryma kómektesemin sabaq jazýǵa, esepterin shyǵarýǵa. Óner salasynda júrgen jup Ómirhan men Amangúl basynda balalar úıine demeýshilik kórsetip júrgen. Ózderiniń 3 balasynan artylǵandy sol jaqqa tasıtyn. Oılana kele balalardy qamqorlyqqa alýdy sheshedi. Basynda 3 bala, keıin 8 balany baýyrlaryna basady. Sodan beri 10 jylǵa jýyqtady. Syrqat balany emdetip, aıaǵynan turǵyzdy. Aldy 23 jasqa tolyp, kolej támamdady. Amangúl Eshpanova, kóp balaly ana: - Basty qaǵıda – tárbıe, tártip. Óıtkeni olardyń tártibi durys bolmasa, bizdiń aıtyp otyrǵan kúndelikti sabaqtarymyzdyń bárin toqı almasa, tárbıesi durys bolmasa, ol baladan ne suraýǵa bolady? Ol mektepte de, júrgen ortasynda , qaı-qaıda da jaqsy bolmaıdy. Sondyqtan tek tárbıe mektebin berip otyrmyz. Balalar tárbıemen birge, ónerdi de úırenip júr. Jetesovter otbasylyq ansambliniń aspaptaryn jańartýǵa jáne kostúmderin tiktirýge 2016 jyly búdjetten qarajat bólingen. Sol kezde biraz sharýamyzdy yńǵaılap aldyq, – deıdi olar. Endi úıdi keńeıtý úshin jańadan úlken bólme salyp jatyr. Otbasy kómek qolyn sozatyndar tabylsa, qýanar edik deıdi. Bólmelerge jańa jıhaz alyp, jabdyqtaý úshin biraz qarajat kerek.
