Memlekettik qupıany taratqan Maılybaev 5 jylǵa bas bostandyǵynan aıyryldy, dep jazady Qamshy aqparat agentitgi.

30 maýsymda Astana soty Prezıdent ákimshiligi jetekshisiniń burynǵy orynbasaryna osyndaı jaza kesti. Sondaı-aq onyń bar múlki de tárkilenip, endi eshqashan memlekettik qyzmetke aralasa almaıdy.

Al 41 jastaǵy Baǵlan Maılybaevtyń sybaılasy Nıkolaı Galıhın aýyr jazadan qutylyp ketti. Memlekettik qupıany taratqany dáleldengen ol 4 jyl shartty jaza aldy. Aqordanyń ishki saıasatyna jaýapty bolǵan Galıhın de budan-bylaı bılikke múldem jolamaýy tıis. Atyshýly prosestiń jabyq ótkenin eskersek, burynǵy laýazymdy atqaminerlerdiń jasyryn derekti kimderge bergeni de belgisiz. Eske salsaq, Prezıdent ákimshiligi jetekshisiniń orynbasary bolǵan Maılybaev 12-shi qańtarda qyzmetinen bosatylyp, eki kúnnen keıin qamaýǵa alynǵan edi.

Eske sala keteıik, Ulttyq qaýipsizdik komıteti 2017 jylǵy 12 qańtarda Qylmystyq kodekstiń 185-baby 1, 3-bóliginde kózdelgen ("Memlekettik qupıalardy zańsyz jınaý, taratý, jarıa etý") qylmystardy jasady degen kúdikpen QR Prezıdenti Ákimshiliginiń qyzmetkerleri Baǵlan Maılybaev pen Nıkolaı Galıhın ustalǵanyn habarlady.