Soltústik Koreıa dúısenbi kúni Koreıanyń qarýly kúshteri merekesi qarsańynda ózderiniń raketalary álemniń kez kelgen túkpirine jetip, jaryp jiberetindigin aıtyp eskertti, dep habarlaıdy Qamshy aqparattyq agenttigi Rıa novostı saıtyna silteme jasap.

Bul jaıynda jergilikti BAQ betterinde Phenándaǵy parad kezinde túsirilgen raketalardyń sýretterimen birge túrli maqalalar jarıalandy.

«Koreıa Ulttyq Armıasynyń strategıalyq áskeri álemniń kez kelgen túkpirine kez kelgen ýaqytta soqqy jasaı alady», - dep jazady jergilikti basylymdar. Onyń a            týynsha, bul raketalardy tabý múmkin emes, sol sebepti de 100 raketa jiberilse, 100-i de sátti jarylys jasaıdy.

Sonymen qatar, kezekti basylymdarda Soltústik Koreıa AQSH-tyń áskerı bazasyna soqqy jasaıdy degen tikeleı qoqan-loqqy joq. BUU Qaýipsizdik keńesiniń salǵan sanksıasyna qaramastan Soltústik Koreıa AQSH-qa baǵyttalǵan túrli qorqytýlarmen qatar, raketalyq qarýlar jasap shyǵarýyn toqtatar emes. Ózderiniń ıadrolyq qarýlary jaıynda esh aqparat taratpaǵandyqtan Phenánnyń áskerı daıyndyǵy álem boıynsha úreı týǵyzýda. Sol sebepti de Halyqaralyq uıym KHDR-dan ıadrolyq jáne raketalyq qarý shyǵarýlaryn toqtatýdy talap etýde.

Aýdarǵan: Nazerke Labıhan