AQSH táýelsizdigi kúnine (4 shilde) oraı berilgen tórt kún demalysta Chıkagoda atys bolyp, 100-den astam adam zardap shekti, - dep habarlaıdy Qamshy aqparattyq agenttigi QazAqparatqa silteme jasaı otyryp . Polısıanyń paıymynsha, ony jergilikti bandıtter jasaǵan. Atystar jaıly alǵashqy habarlamalar senbi kúni túse bastady, biraq jaraqat alǵandardyń basym bóligi dúısenbi keshke tirkeldi.

Jergilikti baspasóz ajal qushqandardyń sany 15-ke jetkenin naqtylady, qalǵandary  túrli dárejedegi jaraqattar alǵan. Chıkago bıligi  qalanyń problemaly aýdandaryna 1 myńǵa jýyq polısıa qyzmetkerin jibergen, alaıda olar tártipsizdikti basa almady. Chıkagoda Táýelsizdik kúnine oraı berilgen demalystarda atystar uıymdastyrý dástúrge aınalǵan. Ótken jylǵy merekede   66 adam zardap shekken bolatyn. 

Sholýshy: Ásel Bolatqyzy