Reseıdiń tanymal blogeri Sergeı Nıkıtskıı EXPO-2017 kórmesinen alǵan áserin kópshilikpen bólisip, birneshe materıaldaryn jarıa etti dep habarlaıdy Qamshy aqparattyq agenttigi 24.kz-ke silteme jasaı otyryp. Ol Reseı men álemge jasaǵan saıahattaryn ǵalamtordaǵy iri portaldarda jarıalap, saraptama jasap otyrady. Nıkıtskıı Astanada bolǵan úsh kún ishinde qalany túrli qyrynan tanyp-bilgenin aıtady. Sonymen qatar, EKSPO týraly shynaıy kózqaras qalyptastyrý úshin aldymen kórmeni tolyq aralap shyǵý kerek deıdi. 
Sergeı Nıkıtskıı, bloger: « Qazaqstannyń pavılony men energıa murajaıy meniń esimde erekshe saqtalyp qaldy. Segizinshi qabattaǵy óte keremet kompozısıalar eresekterdi de, balalardy da beı-jaı qaldyrmaıtyny anyq. Kórmede ótkizgen úsh kún álemdegi energetıka týraly jalpy ǵalamdyq túsinik beredi. Qalanyń kórki erekshe áser etti. Astanadaǵy aspanmen talasqan bıik záýlim ǵımarattar men keń dańǵyl joldar Dýbaıdy eske túsiredi. El ordasy degen atqa saı ekeni kórinip tur. Men, tipti, qyzǵanyp kettim. Reseıde jańadan paıda bolyp, damý jolyna túsken mundaı qala joq. Sosyn aıt ketetini turǵyndardyń qonaqjaı qylyqtary unady. Biz bolǵan kez-kelgen jerde adamdar kúlimdep qarsy alyp jatty»,- deıdi Sergeı Nıkıtskıı.