Áleýmettik máseleler kezek kúttirmeýi tıis. Ásirese múmkindigi shekteýli jandardyń ótinishi birinshi kezekte qaralýy kerek. Osy jáne ózge de máselelerdiń sheshilý joldaryn talqylaý maqsatynda «Nur Otan» partıasynyń oblystyq fılıaly qoǵamdyq qabyldaý ótkizdi. Bul týraly Qamshy aqparattyq agenttigi 24.kz málimetine súıenip habarlaıdy.

 Negizinen turǵyndardy baspana jaıy men medısınalyq qyzmet qynjyltady. Syrdarıa aýdanynyń turǵyny Qarakóz Ábetova naýqas 2 balasyn zamanaýı medısınalyq ortalyqtarǵa emdetýge járdem suraı kelipti. Fılıal tóraǵasy «Qyzylorda ıgiligi» korporatıvtik qory arqyly máseleni sheshýge yqpal etetinin aıtty. 3 nemeresin bir ózi baǵyp-qaǵyp otyrǵan zeınetker Natalá Jıhareva da olardyń oqý aqysyn tóleý qıynǵa soǵyp otyrǵanyn jetkizdi.

Natalá Jıhareva, qala turǵyny: - Nemeremniń oqýǵa yntasy jaqsy. Biraq tólemaqyǵa kelgende jyl saıyn kibirtiktep, qınalyp qalamyz. 3 nemerem jastaıynan tul jetim qaldy. Úlkenine áýpirimdep dıplomyn alyp berdim. Partıa tóraǵasy, oblys ákimi bir jylǵy 150 myń teńge oqý aqysyn tólep beremiz dep qýantty. Balam úshin qýanyp turmyn. Áıtpese zeınetaqymmen qaı jyrtyǵymdy jamaıyn. 

Sholýshy: Aıgerim Taýbaı