10 maýsym men 10 shilde aralyǵynda EKSPO-2017 Halyqaralyq mamandandyrylǵan kórmesine kelýshileriniń sany 921 293 adamǵa jetti dep habarlaıdy Qamshy aqparattyq agenttigi EKSPO-2017 kórmesiniń Qoǵammen baılanys departamentine silteme jasap.
Jaqyn arada mıllıonynshy adamnyń kórmege kelýi kútilýde.
Halyqaralyq pavılondarǵa jalpy kelýshilerdiń sany 5 960 212 adamdy quraıdy.
Kórme kesheniniń negizgi obektterine 834 579 adam barǵan.
Eń aýqymdy kelýshiler sanyn, 303 007 adamdy Nur-Álem pavılony jınaǵan.
Jalpy sanaq boıynsha kórmege kelýshilerdiń 14% nemese 130 myń adam sheteldik azamattardy quraıdy.
Bir aı ishinde 160 myń adam kórmege jeńildikter arqyly kirgen. Bul tizimge mektep oqýshylary, stýdentter, zeınetkerler jáne 6 jasqa deıingi balalar men múgedekter, UOS ardagerleri jatady.
Sonymen qatar, 1031 mádenı oıyn-saýyq jáne iskerlik is-sharalar, el basshylarynyń, mınıstrler men halyqaralyq pavılon komısarlarynyń qatysýymen barlyǵy 84 resmı is-shara ótkizildi.
Sholýshy: Ásem Álmuhanbet
