Memleket basshysynyń tóraǵalyǵymen Qaýipsizdik keńesiniń otyrysy ótti. Otyrysta kıberqaýipsizdikti qamtamasyz etý men terorızmniń aldyn alý jónindegi ózekti máseleler talqylandy, dep habarlaıdy Qamshy aqparattyq agenttigi Aqordanyń baspasóz qyzmetine silteme jasap. 

Qazaqstan Prezıdenti qazirgi kezde sıfrlyq tehnologıalardy engizýdiń mańyzdylyǵyna toqtalyp, bul rette kıber qaýip-qaterge jáne aqparattyq tehnologıalardy zańsyz paıdalanýǵa qarsy turý qajettigin atap ótti.

– Aqparattyq-kommýnıkasıalyq tehnologıalar adam ómiri men memlekettiń barlyq salasynda kezdesedi. Sondyqtan men «Qazaqstannyń úshinshi jańǵyrýy: jahandyq básekege qabilettilik» atty joldaýda sıfrlyq tehnologıalardy damytý maqsatyn qoıdym. Onyń paıdasy zor, biraq ony engizýmen birge kıbershabýyldar jasaý qaýpi de týyndaıdy. Sol sebepten Qazaqstan oǵan daıyn bolýǵa tıis, – dedi Elbasy.

Nursultan Nazarbaev jıynǵa qatysýshylar nazaryn elimizdegi jáne álemdegi terorıstik toptardyń destrýktıvti áreketteriniń saldarlaryna aýdaryp, osy baǵytta tıimdi jumystar júrgizýdi bir jolǵa qoıý qajettigin aıtty.

Sońynda Memleket basshysy birqatar naqty tapsyrma berdi.