62 jastaǵy Muhammed Bzık atty Kalıfornıa turǵyny aıyqpas dertke shaldyqqan jáne týystary tastap ketken balalardy asyrap alady. 20 jyldyń ishinde ol 80 shaqty balany óz qanatynyń astyna alyp ósirgen. Onyń 6 jastaǵy ógeı qyzy kózi kórmeı jáne qulaǵy estimeı týǵan, sonymen qatar mıy da damymaı qalǵan, dep habarlaıdy Qamshy aqparattyq agenttigi Life.ru saıtyna silteme jasap.

Muhammed eki jyl buryn qaıtys bolyp ketken áıeliniń bastaǵan isin ómiriniń sońyna deıin jalǵastyrýǵa ýáde etken. Ol aıyqpas dertke shaldyǵyp, taǵdyr tálkegine túsken balalarǵa qamqorlyq jasap, olardyń jaqsy ómir súrýine jaǵdaı jasaıdy, óziniń bar mahabbatyn tógedi.

Muhammedtiń balasynyń ózi «krıstaldy adam» dertine shaldyqqan. Al Muhammedtiń ózi ótken jyly ota jasatyp, qaterli isikten arylǵan eken. Ol ota jasatar aldynda dál osy balalar sekildi boıyn qorqynysh jaılaǵanyn aıtady. «Aýrýhana tóseginde jatqan kezimde ol balalarǵa rasymen de qoldaý men qamqorlyq kerek ekendigin túsindim», - deıdi ol.

Muhammed 20 jyldyń ishinde 80-nen astam balalardy asyrap alǵan, alaıda 10 balasy qaza taýypty. Kóptegen balalardy asyrap alǵan kezinde olardyń esimi de bolmaǵan  jáne olar ata-ana meıirimi degendi bilmegen.

«Balalar ózderin kereksiz sezinbeýleri qajet. Ómirdiń máni – ózińnen álsizderge kómektesýde», - deıdi Muhammed. 

Sholýshy: Nazerke Labıhan