Qostanaıda joǵalǵan segiz jastaǵy Igor Koskıı óli tabyldy, - dep habarlaıdy Qamshy aqparattyq agenttigi Tengrinews.kz saıtyna silteme jasap.

Polısıadaǵylardyń aıtýynsha, balanyń máıitin qutqarýshylar 11 shildede saǵat 17.00-de Tobyl ózeniniń jaǵasynda Koreı kópiriniń mańynda tapqan. Qajetti saraptamalar taǵaıyndalǵan. Oblystyq prokýratýradaǵylar balanyń máıiti tabylǵanyn rastap otyr, olardyń boljamyna qaraǵanda, Igor Koskıı sýǵa batyp ketken. 

"10 maýsymda sýda izdestirý sharalaryn júrgizgen eriktiler toby oblys prokýroryna Facebook arqyly úndeý jasap, shlúzdi jabýdy surady, sebebi sýdyń jyldamdyǵy zor bolyp, izdestirý jumystaryn júrgizý múmkin bolmady. Prokýratýra bul isti tyndyrǵannan keıin eriktiler jumysqa kiristi, balanyń máıiti tabyldy", - dep habarlaǵan edi prokýratýra ókilderi. 

Bala 4 shildede joǵalǵan edi.