Astanaǵa Omby oblysyndaǵy tarıhı muraǵattan qundy qujattar ákelindi.

Elimizdiń bas qalasy - Astanada Kenesary han jaıly tyń derekterden quralǵan arnaıy kórme jumysyn bastady dep jazady Qamshy.kz Qazaqstannyń Reseıdegi elshiligi taratqan aqparatqa súıenip. 

"Onda kópshilik nazaryna Kenesary han, sondaı-aq Shoqan Ýálıhanovtyń ájesi Aıǵanym hanym týraly buryn kezdespegen qujattar usynyldy. Omby oblysy tarıhı arhıvindegi Azamattyq soǵysty zertteý ortalyǵynyń jetekshisi Galına Borodınanyń aıtýynsha, qazaq halqynyń tarıhy úshin mańyzdy qujattardy zertteýshiler úshin alǵash ret kópshilik nazaryna usynyp otyrmyz. Qazaq tarıhynda eleýli orny bar tulǵalarǵa qatysty eń qyzyq derekterdi iriktep ákeldik.

Kórmeden XIX ǵasyrǵa tıesili Aqmola oblysynyń kartasy men ózge de qundy málimetterdi kórýge bolady. 10-15 betten turatyn 40 shaqty qujatta Aqmola men Omby oblystarynyń barlyq tarıhyn qamtıtyn derekteri Astana qalasynyń memlekettik muraǵatyna tapsyrylady", - dep jazylǵan elshilik habarlamasynda.