37 jastaǵy taksı júrgizýshisi Djahır Hýsseın óziniń qurbandaryn túrli bar men meıramhana tusynan taýyp otyrǵan. Ózi - London turǵyny. Onyń kóligine  áıel adamdar kóbinese mas kúıinde otyrady eken. Aılaker taksı júrgizýshisi olardyń uıyqtap qalǵanyn kútip, keıin olardyń kıimderin jyrtyp tastap, zorlaǵan. Alaıda, qylmysker kóp uzamaı qolǵa tústi. Ol bir áıelge kóliginde umytyp ketken telefonyn qaıtarmaq bolǵan, sol mezette polısıa qyzmetkerleri ony ustap alǵan, dep habarlaıdy Life.ru saıty.

Óziniń kezekti quıturqy josparyn iske asyrǵannan keıin polısıa bólimshesine úsh áıel baryp aryzdanǵan.

Áıelderdiń biriniń aıtýynsha, Djahır Hýsseın ony avtoturaqqa alyp baryp, sol jerde zorlaǵan. Ol polısıaǵa aryzdanatyndyǵyn aıtqan kezde, Djahır dereý ketip qalǵan. Keıinnen telefonyn umytyp ketkeni áıeldiń esine túsedi. Hýsseın onyń telefonyn alyp kelip berýge kelisken, sol ýaqytta zábir kórgen áıel onyń kóliginiń nómirin esinde saqtap qalǵan.

Sot sheshimi boıynsha, Djahır Hýsseın 12 jylǵa bas bostandyǵynan aıyryldy.