Halyqaralyq Olımpıada komıteti Parıj ben Los-Andjelesti 2024 jáne 2028 jyldardaǵy jazǵy oıyndardyń astanalary etip bekitti, dep habarlaıdy Qamshy.kz aqparat agenttigi sheteldik BAQ-qa silteme jasap. 

Alaıda olardyń qaısysy Olımpıadany birinshi ótkizetini qyrkúıekte anyqtalady. Atalǵan eki ýaqytta Olımpıadany ótkizýge Gambýrg, Býdapesht jáne Rım qalalary da talasqan bolatyn, biraq sońǵy tizimge Parıj ben Los-Andjeles qana kirdi. Atalǵan eki qalanyń qaısysy birinshi bolyp oıyndardy ótkizetinin ózara kelisýi tıis. Sońǵy tańdaý 13 qyrkúıekte HOK-tiń 113-sessıasynda bolady.

 Eki qala da buǵan deıin eki retten Olımpıada ótkizgen edi: Parıj 1900 jáne 1920 jyldary, Los-Andjeles 1932 jáne1984 jyldary.

Esterińizge sala keteıik, 2020 jylǵy jazǵy oıyndar Tokıoda ótedi.

Sholýshy: Aıgerim Taýbaı