Qytaı sheteldegi alǵashqy áskerı bazasyn qurý úshin Djıbýtıǵa kemelerin jiberdi, dep habarlaıdy Qamshy.kz aqparat agenttigi sheteldik BAQ-qa silteme jasap.
Resmı Beıjińniń málimdeýinshe, bul nysan qutqarý operasıalary men mańyzdy teńiz joldaryn qorǵaýǵa jáne birlesken áskerı jattyǵýlar ótkizýge múmkindik beredi. Al sarapshylar Qytaıdyń bul áreketin «aspan asty eliniń aımaqtaǵy yqpalyn nyǵaıtý úshin qolǵa alyp otyrǵan qadamy», – deıdi.
Ázirge bazaǵa qansha áskerıdiń ornalastyrylatyny belgisiz.
Aıta keteıik, sońǵy ýaqytta Qytaı Afrıka elderimen ekonomıkalyq baılanysyn kúsheıtip, ınvestısıa kólemin ulǵaıtty. 2015 jyly Beıjiń qurlyqtyń damýyna 60 mlrd dollar bólýge ýáde etken. Al Afrıkanyń shyǵysynda ornalasqan Djıbýtıde AQSH, Fransıa jáne Japonıanyń da áskerı bazasy bar.
