Japonıada búgin tańerteń eki qylmysker ólim jazasyna kesildi dep habarlaıdy Qamshy.kz aqparat agenttigi RIA Novostı-ge silteme jasap. Sońǵy ret Japonıada ólim jazasy byltyrǵy jyldyń qarashasynda júzege asyrylǵan bolatyn. Sındzo Abe premer-mınıstrlikke kelgeli beri, ıaǵnı 2012 jyldyń jeltoqsan aıynana bastap 19 adam ólim jazasyna kesilgen. Aldaǵy ýaqytta 130 qylmysker ólim jazasyna kesilmek. Ólim jazasyna kesilgen qylmyskerdiń jazasy úkim shyqqan soń  birneshe jyldan keıin júzege asyrylady.

Japonıa zańy boıynsha aıyptalýshy óziniń jazasynyń qashan bolatynyn jyldar boıy kútýi múmkin, oǵan jazaǵa kesiletini týraly sol kúni tańerteń ǵana aıtylady. Japonıadaǵy bul zańnyń gýmanızmge qarsy ekenin aıtyp halyqaralyq quqyq qorǵaý uıymdary toqtaý sala almaı keledi. Japonıada ólim jazasyn darǵa asý arqyly júzege asyrady.