Bul sot Brazılıa tarıhynda memleket basshysy sybaılas jemqorlyq úshin sottalǵan alǵashqy jaǵdaı.

Brazılıanyń burynǵy prezıdenti Lýıs Inasıý Lýlý da Sılva sybaılas jemqorlyq pen aqsha jymqyrǵany úshin aıypty dep tanylyp, 9,5 jylǵa sottaldy, dep jazady Qamshy.kz aqparat agenttigi. Bul týraly Bı-bı-sı portaly habardar etti.

Tıisti úkim Brazılıanyń federaldyq sot organdarynyń resmı saıtynda jarıalanǵan.

Qylmystyq is Gýarýja kýrorttyq qalada ornalasqan penthaýsqa qatysty boldy. 2016 jylǵy qyrkúıekte prezıdentke 3,7 mln real  (1,1 mln dollar) somasynda aqsha jymqyrdy jáne sybaılas jemqorlyqqa bardy degen aıyptar taǵyldy. Qazirgi ýaqytta  Lýla da Sılva sybaılas jemqorlyqqa qatysty taǵy 4 qylmystyq istiń fıgýranty bolyp otyr. Brazılıalyq zańnamaǵa sáıkes, eger eks-prezıdent atalmysh prosesterdiń biri boıynsha aıypty dep tanylsa, ol saılanatyn laýazymdarǵa úmitker bolý quqyǵynan aıyrylady.   

Da Sılvanyń advokattary sot sheshimimen kelispeı, appelásıaǵa berýge nıetti. Ol qaralǵansha, burynǵy prezıdent bostandyqta bolady.

Eks-prezıdenttiń ózi kinásin moıyndar emes. Ózine qatysty taǵylǵan kez kelgen aıypty joqqa shyǵaryp, saıasattaǵy qarsylastarynyń isi ekenin dáleldep álek.

Sholýshy: Gúlim Jaqan