Memleket basshysy Nursultan Nazarbaev Germanıa Federatıvti Respýblıkasynyń prezıdenti Frankom Vaıter Shtaınmaıermen birge EKSPO-2017 kórmesindegi Federatıvti Respýblıkasynyń Ulttyq kúnin merekeleý aıasynda Germanıa Ulttyq pavılonyn aralady dep habarlaıdy Qamshy.kz aqparat agenttigi.

İs-shara barysyndaǵy eń ózekti jáne talqylanǵan taqyryptardyń biri - ınovasıalyq tehnologıalardy engizýge umtylǵan alyptar úshin ǵana emes, sondaı-aq orta jáne shaǵyn  kásiporyndardyń jańǵyrtylmaly energıa kózderine kóshý boldy. Bul týraly EKSPO-2017 Halyqaralyq mamandandyrylǵan kórmesi aıasynda Germanıa Ulttyq kúnin merekeleý barysynda Germanıa Federatıvti Respýblıkasynyń prezıdenti Frank-Valter Shtaınmaıer aıtty. Onyń aıtýynsha, EKSPO-2017 kórmesi aıasynda Germanıa pavılony bolashaq energıasynyń kelbetin kórsetetin bolady.

 «Energıa óndirý, jańartylatyn energıa, energıanyń tıimdiligi, ortalyq emes energıa óndirý, energetıkalyq jelilerdiń keńeıýi – barlyǵy da energetıkalyq saıasattyń jańa qaǵıdattaryna kóshýdiń saldary bolyp tabylady. EKSPO-2017 kórmesinde bolashaqta qýat kóziniń qurylý mysaldary kórsetilgen. Sondaı-aq, biz tańdaǵan uranymen birge - «Energetıka durys jolda» -  Germanıada jınaqtalǵan tájirıbeni kórsetemiz. Biz bolashaq energıa terezesin, energetıka bolashaǵy týraly ıdeıalarymyzdy kórsetkimiz keledi. Onyń ishinde bolashaqta energıanyń qalaı jınaqtalatyn, saqtalatyn, óndiriletin jáne taratylatyn tolyq transformasıa tásilderimen tanystyramyz»,-dedi Frank-Valter Shtaınmaıer.

Óz kezeginde Qazaqstan Respýblıkasynyń ınvestısıa jáne damý mınıstri Jeńis Qasymbek «Bolashaq energıa» taqyrybyndaǵy «EKSPO-2017» kórmesiniń tabysty ótýi álemde balamaly energıa kózderiniń paıdalanýyna, jańa tehnologıalardy damytýyna yqpal etetinin atap ótti. Onyń aıtýynsha, Germanıa energıa tıimdiligi,  jańartylatyn energıa kózderin únemdeý salasynda álemdik kóshbasshy bolyp tabylady.

 «Búgingi kúni, tujyrymdamasy «Energıa durys jolda» bolyp tabylatyn Germanıa pavılony EKSPO-2017 sheńberinde eń iri jáne tanymal bolyp keledi. Onyń ishinde halyqaralyq qatynastar jáne baılanystardy damytýyna septigin tıgizetin iskerlik jáne mádenı sharalar ótedi. Sondaı-aq, jańartylatyn energıa máseleleri boıynsha Germanıa tájirıbesi Qazaqstanda joǵary suransyqa ıe»,- habarlady Jeńis Qasymbek.

Óz sóziniń sońynda, Jeńis Qasymbek qazirgi ýaqytta qazaq-nemis qarym-qatynastar joǵary senimdilik dárejesi jáne oń  serpinmen sıpattalatynyn habarlady. Onyń aıtýynsha, bıylǵy jyly eki el arasynda dıplomatıalyq qarym-qatynastyń 25 jyldyǵy toılanyp jatyr. Osy jyldar ishinde halyqaralyq uıymdar sheńberinde jáne ekijaqty formatta Qazaqstan-Germanıa qarym-qatynastarynyń aıtarlyqtaı keńeıýi jáne nyǵaıtýyna qol jetkizildi.