Nıkolas Keıdj, Djon Málkovıch, Edrıen Broýdı, Baı Lın, Sýleıman Sısse, Marko Múller Astanaǵa keletin boldy. Álemdik kıno salasynyń úzdikteri Elordada ótetin XIII Halyqaralyq «Eýrazıa» kınofestıvaliniń qonaqtary, dep habarlaıdy Qamshy.kz aqparat agenttigi.

2017 jyldyń 22-28 shilde aralyǵynda Astana qalasynda Kann, Berlın, Venesıa syndy «A» klassynyń festıválderimen  teń dárejedegi Orta Azıanyń aýqymdy  kınoforýmy bolyp tabylatyn Hİİİ Halyqaralyq «Eýrazıa» kınofestıvali ótedi. Bul týraly QR Mádenıet jáne sport mınıstrligi Mádenıet jáne óner isteri departamentiniń dırektory Almaz Nurazhan  málimdedi.

Hİİİ Halyqaralyq «Eýrazıa» kınofestıvaliniń bıylǵy ereksheligi «Astana Ekspo-2017» halyqaralyq  kórmesiniń tujyrymdamasymen úndes «Mádenıetter kópiri» taqyryby qozǵalady. Kınofestıval  2016-2017 jyldary jaryq kórgen álemdik fılmderdiń kórsetilimin  usynady. Oǵan tolyq jáne qysqametrli kartınalar, avtorlyq jáne janrlyq kıno kiredi.  «Eýrazıa» HKF-niń aıasynda TMD, Shyǵys (Qytaı, Úndistan, Ońtústik Koreıa) jáne Batys (Evropa, Amerıka) elderiniń fılm satýshylary men satyp alýshylarynyń qatysýymen «Eurasia Film Market» Dástúrli bıznes-alańy kınojobalar pıchıngterin, sheberlik-saǵattaryn, baspasóz konferensıalaryn uıymdastyratyn bolady. Bul kınofestıval tarıhyndaǵy tuńǵysh ret ótip jatqan aýqymdy shara ekenin uıymdastyrýshylar aıryqsha atap ótti.

Baspasóz konferensıanyń jumysyna XIII Halyqaralyq «Evrazıa» HKF-niń bas dırektory  Rashıd Nýǵmanov, qazylar alqasynyń múshesi Talǵat  Temenov jáne Baǵdarlamalyq dırektor Elena Larınova qatysty. Kınofestıvali  Qazaqstan Respýblıkasynyń mádenıet jáne sport Mınıstrliginiń tapsyrysymen «Ulttyq kınematografıa óneri men ǵylymdarynyń akademıasy» Qoǵamdyq birlestigimen iske asyrylady.