Turmysta áıeline zorlyq-zombylyq kórsetken er adamdar qylmystyq jaýapkershilikke tartylmaıtyn boldy. Densaýlyqqa zaqym keltirý, uryp-soǵý syndy baptar ákimshilik kodekske aýystyryldy. Dál qazir túzetý jumystary júrgizilip jatyr, dep habarlaıdy Qamshy.kz aqparat agenttigi 31 arnaǵa silteme jasap.

Gúlmıra Asqarova 6 jyldan beri ózine zorlyq-zombylyq kórsetip kele jatqan kúıeýimen birge turyp jatyr. Áıel barlyǵy kishkene túsinispeýshilikten bastalǵanyn aıtady. Osyǵan qaramastan Gúlmıra kúıeýimen bir shańyraq astynda turyp, óz jurtynan kórgen qorlyǵyn jasyryp keledi.

“Bul týraly ata-anam men týysqandaryma aıtýǵa uıalamyn. Polısıaǵa baryp shaǵymdanýǵa da uıalǵan bolatynmyn”, – deıdi Gúlmıra Asqarova.

Jyl saıyn Qazaqstanda 400-ge jýyq áıel kúıeýiniń qolynan qaza tabady eken. Osy statısıkalyq málimetterge qaramastan, er adamdar qylmystyq jaýapkershilikke tartylmaıtyn boldy.

“Jazaýlaýdyń basqa túrleri bolǵanyn qalaımyz. Sebebi, biz olardy túrmege otyrǵyzǵan jaǵdaıdyń ózinde ózimiz salyq arqyly asyraıtyn bolamyz. Sol sebepti, olardy ýaqytsha jazalaý, aıyppul salý, belgili bir jumys istetý arqyly túzetken jón”, – deıdi maman Zúlfıa Baısakova.

Sholýshy: Nazerke Labıhan