Almaty oblysynda bıyl jer ýchaskesin ruqsatsyz ıemdenýdiń 20 deregi tirkeldi. Bul týraly Óńirlik komýnıkasıalar qyzmetiniń brıfıńinde Almaty oblysynyń Jerdiń paıdalanylýy men qorǵalýyn baqylaý basqarmasynyń jetekshisi Asqar Joldoǵutov aıtty, - dep habarlaıdy Qamshy.kz aqparat agenttigi Tengrinews.kz saıtyna silteme jasap.

Onyń aıtýynsha, Memleket basshysynyń tapsyrmasyn oryndaý maqsatynda basqarma nazardy aýyl sharýashylyǵy maqsatyndaǵy jerlerdi memlekettiń ıeligine qaıtarýǵa jáne qoldanylmaı jatqan jerdi taratýǵa buryp otyr. Júrgizilgen zertteý qorytyndysy boıynsha oblysta jalpy 2015-2016 jyldar aralyǵynda qoldanylmaı jatqan 331,2 myń gektar jer anyqtalǵan. Alaıda qajetti sharalar qabyldanyp, 40,2 myń gektar jer memlekettiń ıeligine qaıtarylǵan, 202,5 myń gektary qoldanýǵa berilgen, al 13,4 myń gektary ıesi joq múlik esebinde tur.

Aýyl sharýashylyǵy maqsatyndaǵy jerlermen qatar basqarma memlekettiń ıeligindegi ruqsatsyz ıelik etilgen jerlerdi baqylap otyr, bul jer ýchaskelerine ınspeksıalyq tekseris júrgizilgen.

"Júrgizilgen jumystardyń qorytyndysynan 2017 jyldyń birinshi jarty jyldyǵynda Almaty oblysynda jer ýchaskelerin ruqsatsyz ıemdenýdiń 20 deregi tirkelgenin anyqtadyq, onyń jalpy aýdany - 143,6 gektar. Bul quqyq buzýshylyqtar boıynsha 5 785 950 somaǵa aıyppul salý túrindegi ákimshilik shara qabyldanyp, zań buzýshylyqtardy joıý tapsyryldy, ruqsatsyz alynǵan jer ýchaskelerin qaıtarý Basqarmanyń baqylaýynda", - dedi Asqar Abdýllauly.