Túrgen aýylynda 8 jastaǵy qyzdy zorlady dep aıyptalǵan Almaty oblysy Eńbekshiqazaq aýdanynyń turǵyny 38 jastaǵy Davron Qozybaǵarovtyń isi sotqa joldandy, - dep habarlaıdy Qamshy.kz aqparat agenttigi Tengrinews.kz saıtyna silteme jasap.

"14 shildede is materıaldary Almaty oblystyq mamandandyrylǵan aýdanaralyq qylmystyq ister sotyna jiberildi. Kúdikti - Qozybaǵarov D., 1985 jylǵy. Sýdıa isti bes kúnniń ishinde óndiriske alady, sol sebepti sot otyrysy naqty qaı kúnge belgilengeni belgisiz", - dedi Almaty oblystyq sot baspasóz qyzmetindegiler.

Eske salaıyq, 2008 jylǵa Eńbekshiqazaq aýdanyndaǵy Túrgen aýylynyń mańynda shabýyl jasalǵan bolatyn. 32 jastaǵy jergilikti turǵyn 8 jastaǵy qyzdy zorlaǵysy keldi degen kúdikpen ustalǵan. Qazir ol ýaqytsha ustaý ızolátorynda. "Quqyq qorǵaý organdaryna qyzdyń ata-anasynan 14 sáýirde keshki ýaqytta aryz tústi. Aryzda olar qyzdaryna qatysty quqyqqa qaıshy áreket jasalǵanyn aıtqan. Qazirgi ýaqytta QR Qylmystyq kodeksiniń 121-babynyń 4-bóligi boıynsha ("Seksýaldyq sıpattaǵy zorlyq-zombylyq áreketter") tergeý júrip jatyr. Tergeý sharalaryn Eńbekshiqazaq aýdandyq ishki ister bólimi júrgizip jatyr. Kúdikti ustalyp, ýaqytsha ustaý ızolátoryna qamaldy. Ol Eńbekshiqazaq aýdanynyń 1985 jylǵy turǵyny", - dep habarlaǵan edi osyǵan deıin polıseıler. Oblystyq İİD ókilderi osy is boıynsha barlyq qajetti saraptamanyń taǵaıyndalǵanyn habarlady.

Al keıin Almaty óńirlik balalar klınıkalyq aýrýhanasynyń dırektory Rolan Nurbaev qyzdyń jaǵdaıyn aıtyp bergen edi. "Qazirgi ýaqytta ol bizde em alyp jatyr, negizgi dıagnoz bas súıek mıy zaqymdanǵan, mıy shaıqalǵan, kózi zaqymdanǵan. Oǵan nevrologıalyq salada kómek kórsetilip jatyr. Biz psıhologıalyq kómek kórsetip jatyrmyz. Psıholog kún saıyn onymen jumys isteıdi", - dep habarlaǵan bolatyn Nurbaev.