18 shildede saǵat 18.00.-den bastap Qabanbaı batyr jáne Turan dańǵyldary, Kereı Jánibek kóshesinen Uly Dala dańǵylyna deıin kólik qozǵalysyna shekteý qoıylady dep habarlaıdy Qamshy.kz aqparat agenttigi. 

18 shilde kúni saǵat 20.00-de «Astana Arena» stadıonynda ASTANA jáne SPARTAK IýRMALA komandalary arasynda fýtboldan ÝEFA Chempıondar lıgasynyń ekinshi kásibı raýndy ótedi.

Oǵan qosa EKSPO-2017 Halyqaralyq mamandyrylǵan kórmeniń aıasynda 18 shildede saǵat 19.30-da «Saryarqa» velotreginde koreı estradasy juldyzdarynyń qatysýymen konsert ótedi.

Shekteý shara aıaqtalǵanǵa deıin jalǵaspaq. Kólikpen Máńgilik El, Túrkistan jáne Aqmeshit kóshelerimen júrýge bolady.

Qala turǵyndary men qonaqtary stadıonǵa qoǵamdyq kóliktiń 12 túrimen jete alady:  № 10, 12, 27, 37, 40, 51, 53, 501, 502, 503, 505, 506.

Saǵat 18.00.-den qalanyń 4 núktesinen «Astana Arena» stadıonyna aparatyn fýtbol jankúıerleri men konsert kórermenderi úshin arnaıy avtobýs uıymdastyrylady. Avtobýstar «Qazaqstan» SS turaǵy, «Nur Astana» meshiti, «Jastar» saraıy men astanalyq sırk aýmaǵynda uıymdastyrylady. Jol aqysy – 90 teńge, jol bıletteri jaramsyz.

Oıyndar men konsertten keıin qalaǵa № 10, 12, 28, 40, 51, 303 qoǵamdyq kólikterimen jetýge bolady. Saǵat 21.00.-den bastap Qabanbaı batyr dańǵylynda ornalasqan stadıonnyń turaǵy men «Astana Arena» Stadıony» aıaldamasyna arnaıy avtobýstar uıymdastyrylmaq. «Astana Arena» stadıonynyń turaǵyna resmı qalalyq taksı tasymaldaýshylary keledi.

Astana q. İİD jergilikti polısıa qyzmeti kólik júrgizýshilerge sol kúni jol keptelisterine tap bolmas úshin arnaıy baǵytty aldyn ala uıymdastyrýǵa keńes beredi.

Qala bıligi buqaralyq sharalardy ótkizý kezinde tártip pen tazalyq saqtaýǵa úndeıdi.