Búgin saǵat 14-ter shamasynda Aqmola oblysy Selınograd aýdany prokýratýrasy ǵımaraty janynda sottalýshy J. quqyq qorǵaý organdary qyzmetkerlerine qarýly shabýyl jasady dep habarlaıdy Qamshy.kz aqparat agenttigi Aqmola oblystyq prokýratýrasynyń Baspasóz qyzmetine silteme jasap.

Nátıjesinde Selınograd aýdanynyń prokýratýra qyzmetkeri men İshki ister bóliminiń tergeýshisi oqtan jaraqat aldy. 
Medısınalyq járdem kórsetý úshin jábirlenýshiler Astana qalasynyń № 2-shi qalalyq aýrýhanasyna jetkizildi. Atalǵan fakt Selınograd AİİB Birińǵaı sotqa deıingi tergeý tizimine tirkeldi.
Jedel izdestirý áreketteri barysynda sottalýshy J.-nyń avtokóliginde onyń máıiti tabyldy. Aldyn ala boljam boıynsha ol óz-ózine qol jumsaǵan.

İstiń tergeý barysy Aqmola oblysy prokýratýrasynyń erekshe baqylaýyna alyndy.