QR Premer-mınıstri Baqytjan Saǵyntaev Astanaǵa jumys saparymen kelgen Bolıvıanyń syrtqy ister mınıstri Fernando Ýanakýnı Mamanımen kezdesti. Bul týraly Qamshy.kz aqparat agenttigi Premer-mınıstrdiń baspasóz qyzmetine silteme jasap habarlaıdy.
Kezdesý barysynda energetıka, mádenıet, ǵylym jáne bilim berý salalaryndaǵy ekijaqty saýda-ekonomıkalyq yntymaqtastyq máseleleri talqylandy. Eki tarap, sondaı-aq, munaı hımıasy, aýyl sharýashylyǵy, kólik salalarynda, taza tehnologıalardy damytý men jańǵyrtylatyn energetıka salalarynda birlesken ınvestısıalyq jobalardy qurý men iske asyrýǵa múddeli ekenderin bildirdi.
Fernando Ýanakýnı Mamanıdiń aıtýynsha, Bolıvıa tek qana gaz sektorynda emes, sonymen qatar sırek kezdesetin metaldar men atom ónerkásibi salalarynda da seriktestikti damytýǵa ázir.
Baqytjan Saǵyntaev ekijaqty yntymaqtastyqtyń nyǵaıa túsýine qyzyǵýshylyq bildirip, Fernando Ýanakýnı Mamanıge Qazaqstannyń Halyqaralyq EKSPO-2017 kórmesin ótkizýine qoldaý bildirgeni úshin alǵys aıtty.
