2017 jyldyń sońyna deıin pılottyq jobany iske qosý josparlanǵan, onyń aıasynda elektrondy formatta PIK shyǵyndary qadaǵalanady. Bul jaıynda QR Úkimetinde ótken baspasóz konferensıasynda QR IDM qurylys jáne turǵyn úı-kommýnaldyq sharýashylyǵy isteri komıtetiniń tóraǵasy Marhabat Jaıymbetov habarlady, dep jazady Qamshy.kz aqparat agenttigi Premer-mınıstrdiń baspasóz qyzmetine silteme jasap.

Júıeniń basty maqsaty – shyǵyndardy bekitý, qarajattardy jumsaý máselelerinde PIK qyzmetiniń ashyqtyǵyn, aıqyndyǵyn qamtamasyz etý, sondaı-aq basqarýshy PIK tańdaýdy áldeqaıda ashyq etý.

«Qazir biz aqparat jáne komýnıkasıalar mınıstrligimen, «Zerde» kompanıasymen birge jumys istep jatyrmyz. Bul óte mańyzdy másele. Jyl sońyna qaraı joba pılottyq rejımde iske qosylady», — dedi Marhabat Jaıymbetov.

Uıymdastyrýshylar elektrondy platformany iske qosqannan keıin PIK jumysy retteledi jáne KSK jumysy men turǵyn úı qatynastarynyń kóp jyldyq máseleleri sheshiledi dep senedi.