Ýkraınalyq haker byltyr AQSH-tyń Demokratıalyq partıasyna jasalǵan kıbershabýylǵa baılanysty tergeý isi barysynda kýálik bergen dep jazady Qamshy.kz aqparat agenttigi Sentralasian.org saıtyna silteme jasaı otyryp.
Ýkraınalyq baǵdarlamashy demokrattar serveriniń shabýylǵa ushyraǵanyn birinshi bolyp kórgen. Biraq ázirge Amerıka bıligine onyń qandaı aqparat bergeni belgisiz.
Haker Profexer nıki arqyly jumys istegen. Tergeý isiniń málimeti boıynsha, ol saılaýaldy naýqan kezinde Demokratıalyq partıanyń serverine zıan keltiretin baǵdarlama engizgen. Biraq ózi ony paıdalanbaǵan. The New York Times keltirgen aqparatqa qaraǵanda, baǵdarlamashy qazir Ýkraınada. Amerıka bıligi ázirge ony berýdi talap etpedi. Sebebi olardyń qolynda hakerdiń bul baǵdarlamany qandaı maqsatta qoldanbaq bolǵany jóninde naqty dálel joq.
AQSH arnaıy qyzmeti Demokratıalyq partıanyń serverin Fancy Bear toby buzdy dep esepteıdi. Olardyń málimetinshe, bul hakerlerdiń Reseı qorǵanys mınıstrligimen baılanysy bar. Qańtar aıynda Qurama Shtattardyń barlaý qyzmeti Reseı prezıdenti Vladımır Pýtın hakerlik shabýylǵa tikeleı tapsyrma bergen dep málimdegen. Ol osylaısha saılaýaldy kampanıaǵa kedergi keltirip, Donald Tramptyń jeńiske jetýine kómektespek bolǵan deıdi.
Máskeý bolsa bul aıyptaýlardyń bárin joqqa shyǵaryp, AQSH-taǵy saılaýǵa esh qatysymyz joq dep otyr.
