2009 jyly qurylǵan Alashuly tobynyń ánderi men beınebaıandary búginde qazaq dalasyna keńinen taralǵan. «Bizde bári qazaqsha» dep án shyrqap júrgen atalmysh toptyń erteń, 18 tamyzda «Paı-paı-paı» ánine túsirilgen jańa beınebaıanynyń tusaýy kesiledi. Bul týraly Gákký arnasynyń ınstagramdaǵy paraqshasynda habarlandy. Alǵashqy birneshe sekýndtary ǵana kórsetilgen beınebaıannyń úzindisi jeli qoldanýshylary arasynda úlken daýdyń týýyna sebep boldy.

Gákký arnasynyń paraqshasy jarıalaǵan beınebaıannyń úzindisi 2 kún ishinde 45 myń kórilim jáne 400-ge jýyq pikir jınap úlgerdi. Eń qyzyǵy, halyqtyń kóbi beınebaıan arqyly Alashuly jigitterin búginde qoǵamdy dúrliktirgen Ninety one tobymen «shaıqastyryp» qoıyp, eki jaqty pikir qalyptasty. Sol pikirlerdi Qamshy.kz aqparat agenttiginiń tilshisi oqyrman nazaryna usynýdy jón kórdi.

«Ataǵyń shyqpasa, Ninety one-dy sóz et...»   

Kmusul:  Pıar kerek bolsa, áıteýir Ninety one tobynyń arqasynda tanylamyn dep otyr ǵoı bular. Ánderiniń sapasyz ekeni ótirik pe? Tanylsa, baıaǵyda jer jarar edi», dep pikir qaldyrdy Ninety one tobynyń fan paraqashsy.

Kazhymukan_yerzhan: Alashuly, óz abyroılaryńyzdy tókpeńizder. K-popty toqtata almaısyńdar! 

Baidos_r: Toı ánshileri óz reıtıńterin kóterý úshin durys emes baǵytty tańdady. Ózge ártisterge soqtyǵyspaı-aq muny jasaýǵa bolar edi. Biraq shabyttaryńyz sarqylǵan sekildi.

Aisha_95: 91 tobyn meńzep turǵanyn kez kelgen adam biledi ǵoı. Basqa eshteńe taba almadyńdar ma? Qazir bizde elge tanylǵyń kelse, Ninety one tobyn jamandaı salady. Masqara. Bul jerde Ninety one toby jaıly aıtylmaǵan. Shynymen Ninety one toby týraly bolsa, án báribir hıt bolmaıdy.

Aida-86: Keremet! Árkimdi óz ornyna qoıatyn kez keldi. Ásirese, boıanyp alatyn erkekterdi...

Sara.46: Asyǵa kútemiz! K-poptyń ánderi jaman demeımin, biraq óz stılderin ózgertse odan da jaqsy bolar edi. Eh, qazaqtar-aı, qaıda eliktep bara jatsyńdar? Qaıta biz basqa elge jurtqa eliktemeı ózimiz basqalarǵa úlgi bolýymyz kerek. Ar-namysty erlerimiz qaıda eken?» dedi _zhalgasbaeva esimdi jeli qoldanýshysy.

 Moldir.makmudaeva: Qazaqtyń naǵyz ónerine qyzyqpasańyzdar, halyqty dúrliktirgen jas k-poperler úshin tirelýdiń qajeti joq. Óz basym Alashuly tobynyń ánderin top qurylǵaly tyńdaımyn. Kóbi Ninety one tobyna berilgeni sonshalyq, qazaqtyń naǵyz ónerin tanymaı jatyr. Eger ónerdegi modernızasıany tańdasańyzdar, oǵan qarsy kúsh mindetti túrde shyǵatynyn esterińizden shyǵarmańyzdar. Naǵyz óner ıeleri eshkimge eshteńeni dáleldemeıdi. Olar úshin qoǵamnyń moıyndaǵany mańyzdy emes, bári shyn júrekten shyǵyp jatqan áreketter.

Aknur_toishybai: Jaraısyzdar, Alashuly toby! Ózekti taqyrypty qoldap otyr ekensizder. Qazaqy bolyp, oıýly kıim kımese de, júregi qazaq bolyp tursa, onyń ózi bir ǵanıbet!

Akhanovaerkezhan: Alashuly toby naǵyz serilerdiń jalǵasy. Olarǵa qarasań, mine qazaq degen uly halyqtyń urpaqtary, jigitteri dep aıtýǵa bolady. Týyndylaryńyz óte keremet. Kim ne dese de, Ninety one tobyn kórgende, aýrý adamdy kórgendeı bolasyń. Alash uldaryna eshkim jetpeıdi!

youmylovee: Bári ár adamnyń oıynda ne barynan, qalaı oı oılaıtynynan bastalady. Birden jaman oılaýdyń esh qajeti joq. Ol jaı klıptiń sújeti solaı, ánniń múlde shaıqas, aıqasqa qatysy joq. (eger tyńdap, tatyp kórgen bolsańyzdar árıne) Jáne kimniń qalaı jumys jasap jatqanyn kózben kórmeı turyp, birden sóz sóıleý durys emes dep oılaımyn. Meniń bireýdi maqtap, bireýdi dattaıyn degen oıym joq. Biraq durys emes jerlerin aıtaıyn degen edim. Alashulyn sizder, jastar tanymaǵan shyǵarsyzdar, biraq olardy jurttyń kópshiligi tanıdy, hıt ánderi jeterlik, óz tyńdarmandary da mol. Olardyń eshkimge qarsy shyǵaıyn degen oıy joq. Jáne olardyń ánderiniń sapasyz ekenin qaıdan bilesiz? Siz olardyń ánderiniń jazylýyna qatysyp kórippedińiz? Ninety one tobyna án jazatyn adam, bul kisilerge de jazady, (estigen, bilgenderińiz bolsa). Jáne Gákký arnasy ne úshin jiberdi deıtindeı, sizder Gákkýdiń basshylyǵy emessizder. Biletin bolsańyzdar, keıbir tyńdarmany jeterlik ánshilerdiń beınebaıandary ótpeı qalǵan. Gákký sapaǵa qaraıtynyna rahmet. Iá, mende Ninety one-dy tyńdaımyn. Tek aıtarym bilmeıtin nárselerge otyryp alyp syn aıtýdyń qajeti joq. Sizder ondaı sózderińizben tek qana bir úlken toptyń eńbegin joqqa shyǵaryp qoıasyzdar. Jáne eger Alash ulyn tanymaıtyn bolsańyzdar, tipti olar týraly birdeńe dep ótirik nárse aıta salýǵa óte erte.

Instagram qoldanýshylarynyń pikirin eskere otyryp, Qamshy.kz oqyrmandarynyń nazaryna mynadaı saýalnama usynýdy jón kórdik.