AQSH prezıdenti Donald Tramp tamyz aıynyń sońynda Qazaqstanǵa EKSPO-2017 halyqaralyq mamandandyrylǵan kórmesine qatysý úshin prezıdent delegasıasyn jiberedi. Delegasıa músheleriniń tizimi Aq úıdiń resmı saıtynda jarıalandy dep habarlaıdy kazinform.kz-ke silteme berip Qamshy.kz aqparat agenttigi. «Búgin prezıdent Donald Tramp 2017 jyldyń 28 tamyz kúni Astana qalasyndaǵy «Bolashaq energıasy» EKSPO halyqaralyq mamandandyrylǵan kórmesine qatysý úshin Qazaqstan Respýblıkasyna sapar shegetin prezıdenttik delegasıany taǵaıyndady», - delingen Aq úıdiń baspasóz paraǵynda.
Baspasóz málimetterine sáıkes, energetıka mınıstri Rık Perrı delegasıaǵa basshylyq etedi. Sondaı-aq, onyń quramynda Qazaqstandaǵy AQSH elshisi Djordj Krol, kongresmen Kevın Kramer, AQSH prezıdentiniń ulttyq qaýipsizdik jónindegi kómekshisiniń orynbasary Lıza Kertıs, General Electric jáne Overseas Private Investment Corporation ókilderi bar.
