19 tamyzda Shortandy ıpodromynda dástúrli at sporty merekesi ótedi. Bıylǵy jyly mereke Qazaqstan Respýblıkasynyń Memlekettik rámizderiniń 25 jyldyǵyna, Astana qalasyndaǵy EKSPO-2017 halyqaralyq kórmesine, Qazaqstan Respýblıkasy Konstıtýsıasynyń qabyldanǵanyna 22 jyl tolýyna arnalatyn bolady, dep habarlaıdy Qamshy.kz aqparat agenttigi Aqmola oblysy ishki saıasat basqarmasynyń Óńirlik komýnıkasıalar qyzmetine silteme jasap.
Shortandy aýdanynda 6 jyldan astam ýaqyt aralyǵynda ulttyq at sporty túrleri boıynsha jarystar ótkizilip, búginde laıyqty orynǵa ıe. At sporty merekesin ótkizýdiń maqsaty salaýatty ómir saltyn qalyptastyrýdyń mańyzdy quraly retinde, halyq arasynda ulttyq jáne halyqtyq at sporty túrlerin keńinen nasıhattaý jáne dáripteý, patrıottyq tárbıe jáne sporttyq sheberligin arttyrý bolyp tabylady.
Qoǵamdyq sanany jańǵyrtý prosesi kezinde qazaq halqynyń ádet-ǵurpy men dástúrli mádenıetin zertteý, qaıta jańǵyrtý jáne qazirgi zamanǵy qazaqstandyq mádenıetti damytýy bizdiń zamanymyzda ózekti bolyp otyr. Ult kóshbasshysy Nursultan Nazarbaevtyń «Bolashaqqa baǵdar: rýhanı jańǵyrý» maqalasynda zamana synynan súrinbeı ótken ozyq dástúrlerdi tabysty jańǵyrýdyń mańyzdy alǵy sharttaryna aınalýy jańǵyrtýdyń jetistiginiń mańyzdy sharty ekenin atap ótti. Al endigi bizdiń damýymyzdyń basty qaǵıdasy – tarıhty jáne ulttyq salt-dástúrlerdi eskere otyryp ishki umtylysty jańartý bolmaq.
Shortandylyqtar men aýdan qonaqtaryna mádenıeti, óneri jáne qazaq halqynyń salt-dástúriniń, baı tarıhy bar etnoaýyl usynylatyn bolady, onda kez kelgen adam kóshpeli órkenıettiń etnomádenı ortasyna aýysady jáne aýyldyń kúndelikti jáne merekelik ómirine tolyq keneledi.
Etnoaýyldyń oıyn-saýyq baǵdarlamalary arasynda aǵash pen metaldan sándik qoldanbaly kórme, búrkitshi men ańshy ıtterdiń kórsetilimderi, kókpar, báıge 7 shaqyrym, qunan –báıge, jorǵa jarysy, toq–báıge, alaman-báıge, aýdaryspaq, qyz-qýý men shabandozdardyń kórneki óner kórsetýleri jáne t.b. ótetin bolady. Uıymdastyrýshylar jerlesteri, kúsh synasýdan 4 márte álem rekordshy Sergeı Syrýlnıkovty da basty qonaq etip shaqyrýdy umytpaǵan.
Atalǵan dástúrli at sporty oıyndary merekesiniń qatysýshylaryna sáttilik tileımiz. Ulttyq sportymyz damı bersin!
