18 tamyzda elimizdiń basym bóligi burynǵysynsha antısıklonnyń yqpalynda bolady, sol sebepten jaýyn-shashynsyz aýa raıy saqtalady. Bul týraly Qamshy.kz aqparat agenttigi Qazgıdromettiń málimetine súıenip.

Soltústik pen shyǵysta atmosferalyq aǵyndardyń ótýine baılanysty jańbyr jaýyp, naızaǵaı bolady, burshaq jaýýy múmkin, túngi jáne tańerteńgi saǵattarda tuman baqylanady. Keı jerlerde jeldiń kúsheıýi kútiledi.

Aqmola, Qaraǵandy oblystarynyń keı jerlerinde naızaǵaı bolady, burshaq jaýýy múmkin, túnde jáne tańerteń tuman, kúndiz jel 15-20 m/s kúsheıedi. Soltústik  Qazaqstan oblysynyń keı jerlerinde túnde tuman, kúndiz naızaǵaı bolyp, burshaq jaýýy múmkin.

Pavlodar oblysynyń keı jerlerinde naızaǵaı bolyp, jel 15-20 m/s kúsheıedi, túnde keı jerlerinde tuman túsedi.

Shyǵys Qazaqstan oblysynyń keı jerlerinde naızaǵaı, túnde tuman bolady, kúndiz jel 15-20 m/s kúsheıedi, burshaq jaýýy múmkin.

Jambyl, Ońtústik Qazaqstan, oblystarynda, túnde Almaty oblysynda, kúndiz Qyzylorda oblysynyń keı jerlerinde jel 15-20 m/s kúsheıedi, Almaty oblysynda naızaǵaıly nóser jaýyp, jel kúsheıedi.

Atyraý oblysynda, Almaty, Batys Qazaqstan oblystarynyń basym bóliginde, Qyzylorda, Ońtústik Qazaqstan, Jambyl, Aqtóbe, Shyǵys Qazaqstan, Qostanaı oblystarynyń keı jerlerinde óte joǵary órt qaýpi kútiledi. Batys Qazaqstan oblysynyń keı jerlerinde qatty ystyq aýa raıy saqtalady.