Bangladeshte sý tasqynynan shamamen 60 adam qaza tapty dep habarlaıdy Qamshy.kz aqparat agenttigi sheteldik BAQ-qa silteme berip. Jergilikti tótenshe jaǵdaılar departamentiniń málimdeýinshe, tópelegen nóser de tolas tappaı tur.
Ótken aptada Úndistan, Nepal jáne Bangladeshte bastalǵan aq jaýyn saldarynan Gang ózeni arnasynan asyp, eldi mekenderdi sý basty. Jeksenbi kúni Dınadjpýr okrýginde 23 adamnyń apattan qaıtys bolǵany tirkelgen. Eldegi 64 okrýgtiń 13-i sý tasqynynan zerdap shekken. 500 myń adam ýaqytsha baspanalarǵa ornalastyryldy.
