Mektep oqýshylaryna jańa oqý jylyna arnalǵan oqýlyqtar tapsyryldy. Ata-analar 5-shi synypqa arnalǵan orys tili páni oqýlyǵynda keıbir tapsyrmalar men sóılemder bilimge eshqandaı qatysy joq ekenin aıtady dep jazady Qamshy.kz aqparat agenttigi "Moı gorod"-qa silteme jasap.

«Moı gorod» redaksıasyna ata-analar 5-shi synyptyń orys tili oqýlyǵynyń fotosyn jiberdi.

«Orys tili oqýlyǵy eki bólimnen turady. Onyń avtory - Klokova, Belozórova, Ibraeva, Sýleımenova, Mýhanbetkalıev, Kasymova jáne Oprá. «Jelili ádep», «Armanymdaǵy kólik», «Kólik jarnamasy» degen taqyryptardy kórdim» deıdi ata-ana.

Ata-analardy «Áleýmettik jeli arqyly pıar jasaý», «Áleýmettik jelide lúpil basý», «emotıkondar» degen sózder tańqaldyrǵan.

«Orys tilin oqytýǵa «pıar jasaý» sóziniń ne qatysy bar? Meniń oıymsha, bul oqýshylar men orys tili pánin mazaq etý. Osyndaı oqýlyqtarmen balalarymyz qalaı saýatty bolyp shyǵady?!» dedi ata-ana. 

Aıta keteıik, bıyl 2,5 jáne 7 synyp oqýshylary jańa oqýlyqpen oqıdy.