Qazaqstandyqtar jylyna adam basyna shaqqanda 18-20 keli kondıterlik ónim jeıdi. Mundaı aqparatpen Almatyda ótken alǵashqy Kondıterler forýmynda sarapshy mamandar bólisti dep habarlaıdy Qamshy.kz aqparat agenttigi QazAqparatqa silteme jasaı otyryp.

Qazaqstan kondıterler qaýymdastyǵynyń prezıdenti Álıhan Talǵatbek kondıterlik ónimderdiń ótýi adamdardyń áleýmettik jaǵdaıymen tikeleı baılanysty ekendigin aıtty.

«Jaǵdaılary óte máz emes bolsa, adamdar karamel, pechene kóp alady. Jaǵdaılary jaqsy bolsa, kóbine shokolad, kámpıt jeıdi. Kondıterlik sala adamdardyń jaǵdaıyn baqylaýǵa múmkindik beredi. Saýda júrmese, aptap ystyq, jaz bop tur degen sóz. Jaýyn jaýsa, tátti jeıtinder kóbeıedi», – dedi Álıhan Talǵatbek 

Júrgizilgen taldaýlarǵa sáıkes, ár qazaqstandyq azamat 1 jylda 18-20 keli tátti jeıdi. Búginde otandyq óndirýshiler jylyna 180 myń tonna ónim shyǵarady. Onyń 120 myńy ishki naryqqa ketse, qalǵany eksportqa baǵyttalady.