Semeıdegi Muhtar Áýezov mýzeıi «Qazaqstannyń jalpy ultyq kıeli oryndary» jobasy aıasynda 100 nysannyń tizimine endi, - dep jazady Qamshy.kz aqparat agenttigi altaynews.kz  saıtyna silteme jasaı otyryp.  «Sakraldy Qazaqstan» ǵylymı-zertteý ortalyǵynyń dırektory Berik Ábdiǵalıdiń aıtýynsha, atalmysh joba aıasynda elimizdiń eń kórikti tabıǵı landshaft nysandary, arheologıalyq jáne sáýlet eskertkishteri, sondaı-aq, dinı oryndary men tarıhı tulǵalar turǵan ǵımarattary 100 nysannyń tizimine engen.

«Elbasynyń «Bolashaqqa baǵdar: rýhanı jańǵyrý» atty maqalasynda kórsetilgen mindetterdi júzege asyrý maqsatynda osy jobany qolǵa aldyq. Jalpy, bizdiń ortalyqtyń mamandary elimizdiń kıeli oryndaryn zertteı otyryp, keıingi jastardyń boıyna patrıotızm sezimin uıalatyp, olardyń erik-jigeri myqty azamat bolyp ósýine yqpal etkisi keledi», - deıdi Berik Ábidǵalı.