22 tamyzda Ózbekstan Respýblıkasynyń Joǵarǵy Sotynyń Tóraǵasy Kozımdjan Kamılov bastaǵan sýdıalar delegasıasy Shymkent qalasyna resmı saparmen keldi, dep habarlaıdy Qamshy.kz aqparat agenttigi QR Joǵarǵy sotynyń baspasóz qyzmetine silteme jasap.
İs-sapar sheńberinde óńirdiń mamandyrylǵan sottarynyń qyzmetimen tanystyrý ótkizildi. Sheteldik delegasıaǵa eldegi sot júıesiniń aqparattyq komýnıkasıalyq tehnologıalarynyń jumysy usynyldy.
Ońtústik Qazaqstan oblystyq sotynynyń ǵımaratynda Qazaqstan Respýblıkasynyń joǵarǵy sot organynyń basshysymen kezdesýi ótti. Áńgime basynda Q.Mámı K.Kamılovty Ózbekstan Respýblıkasy Joǵarǵy Sotynyń Tóraǵasy laýazyma taǵaıyndalýymen quttyqtady. «Bizdiń alǵashqy kezdesýimiz Shymkent qalasynda ótýde, bul biz úshin, kórshi jáne týysqandyq elder úshin óte qasıetti», – dedi Q.Mámı.
Odan ári Ózbekstan taraby respýblıka sot júıesiniń jumysymen jáne Elbasy bastamashylyq etken Ult Josparynyń sheńberindegi sot reformasynyń negizgi jetistikterimen tanystyryldy. Engizilgen jańashyldyqtardyń praktıkalyq nátıjelerine erekshe kóńil bólindi. Osylaı sot satylaryn ońtaılandyrý nátıjesinde sot daýlaryn qaraýdyń eń uzaq merzimi eki esege qysqartyldy. Búgingi tańda azamattyq isterdiń kópshiligi taraptardy sotqa shaqyrýynsyz jeńildetilgen óndiris tártibimen qarastyrylady. Eldegi qylmystyq isterdiń tórtten bir bóligi 10 táýlik merzimge deıin jeńildetilgen prosedýra boıynsha qarastyrylady.
Sonymen qatar, Q.Mámı bitimgerlik prosedýralardy jáne medıasıany engizýdiń qazaqstandyq tájirıbesine, Halyqaralyq Keńestiń qyzmetine toqtalyp ótti. Elektrondyq sot tóreligin júzege asyrýǵa erekshe kóńil bólindi. Sondaı-aq, sot bilimin alý jáne respýblıkanyń Joǵarǵy Soty janyndaǵy Sot tóreligi Akademıasynyń qyzmetine kóńil bólindi.
Kezdesý barysynda ózbekstandyq tarap sottardy reformalaý jáne elektrondyq tehnologıalardy engizý boıynsha qazaqstandyq atqarylǵan jumystarǵa qyzyǵýshylyqtaryn tanytty.
Kezdesý sońynda Qazaqstannyń Joǵarǵy Sot Tóraǵasy ótkizilgen kezdesý úshin alǵysyn bildirip, onyń mańyzdylyǵyn atap, Tashkent qalasynda ótetin SHYU múshe elderiniń Joǵarǵy sot tóraǵalarynyń kezekti Keńesiniń barysynda eki eldiń joǵarǵy sottary arasyndaǵy yntymaqtastyq týraly Memorandýmǵa qol qoıý boıynsha usynys bildirdi. Atalmysh qujat Qazaqstan men Ózbekstan sot organdarynyń qarym-qatynasynyń basty baǵyttary men formalaryn belgileıdi.
Kezdesý aıaqtalǵannan keıin sheteldik delegasıa Q.Mámıdiń tóraǵalyǵymen ótken óńirlerdiń qosylýymen beıne-konferensıaǵa qatysty. Taqyryby: «Elektrondyq sot tóreliginiń ózekti máseleleri». BKB sheńberinde Jambyl oblysyndaǵy «Elektrondyq qylmystyq is» pılottyq jobasyn ótkizý máselesi, Batys Qazaqstan oblysyndaǵy buıryqtyq óndiristegi isterdi elektrondyq túrde qarastyrý praktıkasy, sondaı-aq, basqa da birqaratar pılottyq jobalar talqylandy. Sonymen qatar, engizýlerdi qorytyndylap, «Taldaý» forýmyn odan ári damytý boıynsha, aýdıobeınejazbalar júıesin qoldaný, onyń ishinde QR İİM Qylmystyq-atqarý komıtetiniń uıymdarymen beınekonferensıa baılanysyn qoldaný boıynsha tapsyrmalar berildi. «Tórelik» avtomattandyrylǵan aqparattyq-saraptamalyq júıesin ári qaraı damytýǵa erekshe kóńil bólindi.
BKB aıaqtalysymen Joǵarǵy sot Tóraǵasy jaqyn arada 2018-2021 jyldarǵa arnalǵan Qazaqstan Respýblıkasy sot júıesiniń aqparattyq-kommýnıkasıalyq tehnologıalarynyń strategıasy qabyldanatynyn atap ótti. Atalmysh strategıada elektrondyq sot isin júrgizý boıynsha aldaǵy jobalar kiretin bolady.
