Erke Esmahan án shyǵaryp izdegen jigit oǵan jaýap berdi. Tanymal ánshiniń "qaıda, qaıda" dep izdegen jigiti ózi ekenin án arqyly jetkizdi. Jas ánshi Qanat Toqtarov elimizge belgili ánshi Erke Esmahannyń "Qaıda" ánine jaýap retinde "Qaıdaǵa jaýap" ánin jaryqqa shyǵarǵan. Bul ánniń mátininde "Erke Esmahan, sen izdegen jigit menmin" degen sózder kezdesedi. Ánniń sózi men yrǵaǵy jeńil, ári qulaqqa jaǵymdy estiledi eken. Keshe ǵana jaryqqa shyqqan ándi 5000-nan astam adam tyńdap úlgergen. Bul jas ánshi úshin jaqsy jetistik sekildi. Qamshy.kz aqparat agenttigi Erik Shamshabekovtyń Youtobe arnasyna silteme jasaı otyryp oqyrman nazaryna usynady.
Eske sala ketetin bolsaq Erke Esmahannyń "Qaıda" áni qyrǵyzdan urlanǵan bolýy múmkin degen de pikirler kezdesken bolatyn.
