Elimizde Din isteri jáne azamattyq qoǵam mınıstrligi din týraly zańnamaǵa ózgerister men tolyqtyrýlar engizgen bolatyn. Sol túzetýlerde BAQ-ta jarnamalanatyn jáne taratylatyn destrýktıvtik ıdeologıalyq aǵymdardyń kıim túrlerin kıýge shekteý qoıý kózdelgenin atap aıtyp ketken. Óz kezeginde kámelettik jasyna tolmaǵan jasóspirimderdiń zańsyz dinı aǵymdardy taratýǵa qatysty jaýapkershilikti de basa nazarda ustap otyr. Naqtyraq aıtqanda betterin tumshalap, nıqab pen paranja kıip júrgender endi 200 myń teńgeden astam aıyppul arqalaýy múmkin. Din isteri jáne azamattyq qoǵam mınıstrligi júzin jabatyn kıimderge tyıym salatyn zań jobasyn qyrkúıekte Parlamentke tanystyrmaq dep habarlaıdy Qamshy.kz aqparat agenttigi.

Din isteri jáne azamattyq qoǵam mınıstri Nurlan Ermekbaevtyń aıtýynsha bul zańnyń hıdjabqa qatysy joq. Hıdjabqa qarsy eshkim eshteńe demeıdi. Hıdjabty paranjamen shatastyrýǵa bolmaıtynyn aıtty.  Biraq, mınıstr, prezıdent aıtqan qaýǵa saqal men qysqa balaqqa qatysty eshteńe aıtpady.

Taǵy da aıta ketetini zań jobasynda balasyna ekpe saldyrýdan bas tartqan ata-analarǵa da jaza qarastyrylǵan. Mundaı norma engizýge byltyrǵy jyldyń ózinde elimizde 10 myńǵa jýyq otbasynyń dinı ustanymdaryn alǵa tartyp, vaksına alýǵa qarsy shyǵýy sebep bolǵan. Endi ekpeden bas tartqan ata-analarǵa 20 myń teńge kóleminde aıyppul tóleıdi.

Elbasymyz Nursultan Nazarbaev «Qazir neshe túrli jaǵdaılar oryn alyp jatyr. Dinimiz ıslam, biz odan ketkemiz joq, ony qoldaımyz. Alaıda, sonyń ishinde neshe túrli aǵymdar bar. Sol aǵymdarda júrgen jastardy bizder tárbıelep, járdem berýleri kerek» degen bolatyn.

Iá, árkimniń óz pikiri bar. Biraq hıdjab pen paranja eki túrli nárse. Shatastyryp alýǵa bolmaıdy. Qazaq musylman halyq. Sondyqtan musylman óz ultynyń qundylyqtarymen árkez sanasyp otyrǵany abzal.