2010 jyldan bastap Indýstrıalandyrý kartasy aıasynda Astanada 24 joba iske asyryldy dep habarlaıdy Qamshy.kz aqparat agenttigi Astana ákimdiginiń baspasóz qyzmetine silteme jasaı otyryp.
«Indýstrıalandyrý kartasy aıasynda 2010-2016 jyldar aralyǵynda Astanada jalpy soma 232,6 mlrd. teńgege 24 joba iske asyryldy. Sonyń arqasynda shamamen 3 myń jumys orny quryldy», – dedi Kásipkerlik jáne ónerkásip basqarmasy kásipkerlikti jáne ónerkásipti damytý bóliminiń basshysy Azamat Rashıtov.
Onymen birge Indýstrıalandyrý kartasy aıasynda óndiristik ónimniń kólemi aǵymdaǵy jyldyń 7 aıynda 22,3 mlrd. teńgege nemese 2016 jyldyń sol kezeńimen salystyrǵanda 1,2 ese artyp, 111,3 mlrd. teńgeni qurady. Vedomstvo málimetteri boıynsha jobalardyń júktemesi ortasha eseppen alǵanda 78 paıyzdy quraıdy.
