Sırıanyń soltústigindegi Rakka qalasyna AQSH basshylyǵymen halyqaralyq koalısıa ushaqtary áýe shabýyldaryn jasady. Saldarynan 78 beıbit turǵyn kóz jumdy dep habarlaıdy Qamshy.kz aqparat agenttigi RIA Novostı-ge silteme berip.
Málimetterge súıensek, áýe soqqylaryna deıin 48 saǵat buryn koalısıa ushaqtary Djıza aýylyna shabýyl jasap, nátıjesinde 20 adam qaza tapqan.
Sırıa BUU Qaýipsizdik keńesin koalısıany taratýǵa shaqyrǵan bolatyn. Al BUU óz kezeginde beıbit turǵyndardyń ólimi naqtylanǵan jaǵdaıda ǵana áreket etetinin bildirgen.
Aıta keteıik, AQSH koalısıasy Sırıadaǵy DAISH memleketine qarsy áskerı operasıasyn 2014 jyldyń tamyz aıynan bastap júzege asyryp keledi.
